헬라어 문장 검색 - ΠολψβίΗιστορί03́015́

(폴리비오스, Histories, book 3, chapter 15)

Οἱ δὲ Ζακανθαῖοι συνεχῶσ ἔπεμπον εἰσ τὴν Ῥώμην, ἅμα μὲν ἀγωνιῶντεσ περὶ σφῶν καὶ προορώμενοι τὸ μέλλον, ἅμα δὲ βουλόμενοι μὴ λανθάνειν Ῥωμαίουσ τὴν γινομένην εὔροιαν Καρχηδονίοισ τῶν κατ’ Ἰβηρίαν πραγμάτων. Ῥωμαῖοι δὲ πλεονάκισ αὐτῶν παρακηκοότεσ τότε πρεσβευτὰσ ἐξαπέστειλαν τοὺσ ἐπισκεψομένουσ ὑπὲρ τῶν προσπιπτόντων.

Ἀννίβασ δὲ κατὰ τοὺσ αὐτοὺσ καιροὺσ πεποιημένοσ ὑφ’ αὑτὸν οὓσ προέθετο παρῆν αὖθισ μετὰ τῶν δυνάμεων παραχειμάσων εἰσ Καινὴν πόλιν, ἥτισ ὡσανεὶ πρόσχημα καὶ βασίλειον ἦν Καρχηδονίων ἐν τοῖσ κατὰ τὴν Ἰβηρίαν τόποισ.

καταλαβὼν δὲ τὴν παρὰ τῶν Ῥωμαίων πρεσβείαν καὶ δοὺσ αὑτὸν εἰσ ἔντευξιν διήκουε περὶ τῶν ἐνεστώτων.

Ῥωμαῖοι μὲν οὖν διεμαρτύροντο Ζακανθαίων ἀπέχεσθαι ‐ κεῖσθαι γὰρ αὐτοὺσ ἐν τῇ σφετέρᾳ πίστει ‐ καὶ τὸν Ἴβηρα ποταμὸν μὴ διαβαίνειν κατὰ τὰσ ἐπ’ Ἀσδρούβου γενομένασ ὁμολογίασ.

ὁ δ’ Ἀννίβασ, ἅτε νέοσ μὲν ὤν, πλήρησ δὲ πολεμικῆσ ὁρμῆσ, ἐπιτυχὴσ δ’ ἐν ταῖσ ἐπιβολαῖσ, πάλαι δὲ παρωρμημένοσ πρὸσ τὴν κατὰ Ῥωμαίων ἔχθραν, πρὸσ μὲν ἐκείνουσ, ὡσ κηδόμενοσ Ζακανθαίων, ἐνεκάλει Ῥωμαίοισ διότι μικροῖσ ἔμπροσθεν χρόνοισ, στασιαζόντων αὐτῶν, λαβόντεσ τὴν ἐπιτροπὴν [εἰσ τὸ διαλῦσαι] ἀδίκωσ ἐπανέλοιντό τινασ τῶν προεστώτων·

οὓσ οὐ περιόψεσθαι παρεσπονδημένουσ·

πάτριον γὰρ εἶναι Καρχηδονίοισ τὸ μηδένα τῶν ἀδικουμένων περιορᾶν· πρὸσ δὲ Καρχηδονίουσ διεπέμπετο, πυνθανόμενοσ τί δεῖ ποιεῖν, ὅτι Ζακανθαῖοι πιστεύοντεσ τῇ Ῥωμαίων συμμαχίᾳ τινὰσ τῶν ὑφ’ αὑτοὺσ ταττομένων ἀδικοῦσι.

καθόλου δ’ ἦν πλήρησ ἀλογίασ καὶ θυμοῦ βιαίου·

διὸ καὶ ταῖσ μὲν ἀληθιναῖσ αἰτίαισ οὐκ ἐχρῆτο, κατέφευγε δ’ εἰσ προφάσεισ ἀλόγουσ· ἅπερ εἰώθασι ποιεῖν οἱ διὰ τὰσ προεγκαθημένασ αὐτοῖσ ὁρμὰσ ὀλιγωροῦντεσ τοῦ καθήκοντοσ. πόσῳ γὰρ ἦν ἄμεινον οἰέσθαι δεῖν Ῥωμαίουσ ἀποδοῦναι σφίσι Σαρδόνα καὶ τοὺσ ἐπιταχθέντασ ἅμα ταύτῃ φόρουσ, οὓσ τοῖσ καιροῖσ συνεπιθέμενοι πρότερον ἀδίκωσ παρ’ αὐτῶν ἔλαβον·

εἰ δὲ μή, φάναι πολεμήσειν; νῦν δὲ τὴν μὲν οὖσαν αἰτίαν ἀληθινὴν παρασιωπῶν, τὴν δ’ οὐχ ὑπάρχουσαν περὶ Ζακανθαίων πλάττων, οὐ μόνον ἀλόγωσ, ἔτι δὲ μᾶλλον ἀδίκωσ κατάρχειν ἐδόκει τοῦ πολέμου.

οἱ δὲ τῶν Ῥωμαίων πρέσβεισ, ὅτι μὲν εἰή πολεμητέον σαφῶσ εἰδότεσ, ἀπέπλευσαν εἰσ Καρχηδόνα, τὰ παραπλήσια θέλοντεσ ἐπιμαρτύρασθαι κἀκείνουσ·

οὐ μὴν ἐν Ἰταλίᾳ γε πολεμήσειν ἤλπισαν, ἀλλ’ ἐν Ἰβηρίᾳ, χρήσεσθαι δὲ πρὸσ τὸν πόλεμον ὁρμητηρίῳ τῇ Ζακανθαίων πόλει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 15

(폴리비오스, Histories, book 3, chapter 15)

상위

목록

SEARCH

MENU NAVIGATION