헬라어 텍스트

Polybius, Histories, book 3, chapter 11

(폴리비오스, Histories, book 3, chapter 11)

πίστιν ἀρκοῦν ἔσται τὸ λέγεσθαι μέλλον. καθ’ οὓσ γὰρ καιροὺσ καταπολεμηθεὶσ Ἀννίβασ ὑπὸ Ῥωμαίων τέλοσ ἐκ τῆσ πατρίδοσ ἐξεχώρησε καὶ παρ’ Ἀντιόχῳ διέτριβε, τότε Ῥωμαῖοι συνθεωροῦντεσ ἤδη τὴν Αἰτωλῶν ἐπιβολὴν ἐξαπέστειλαν πρεσβευτὰσ πρὸσ Ἀντίοχον, βουλόμενοι μὴ λανθάνειν σφᾶσ τὴν τοῦ βασιλέωσ προαίρεσιν. οἱ δὲ πρέσβεισ ὁρῶντεσ τὸν Ἀντίοχον προσέχοντα τοῖσ Αἰτωλοῖσ καὶ πρόθυμον ὄντα πολεμεῖν Ῥωμαίοισ, ἐθεράπευον τὸν Ἀννίβαν, σπουδάζοντεσ εἰσ ὑποψίαν ἐμβαλεῖν πρὸσ τὸν Ἀντίοχον.

ὃ καὶ συνέβη γενέσθαι.

προβαίνοντοσ γὰρ τοῦ χρόνου, καὶ τοῦ βασιλέωσ ὑπόπτωσ ἔχοντοσ ἀεὶ καὶ μᾶλλον πρὸσ τὸν Ἀννίβαν, ἐγένετό τισ καιρὸσ ὡσ ἐπὶ λόγον ἀχθῆναι τὴν ὑποικουρουμένην ἀτοπίαν ἐν αὐτοῖσ. ἐν ᾧ καὶ πλείουσ ἀπολογισμοὺσ ποιησάμενοσ Ἀννίβασ τέλοσ ἐπὶ τὸ τοιοῦτο κατήντησε, δυσχρηστούμενοσ τοῖσ λόγοισ.

ἔφη γάρ, καθ’ ὃν καιρὸν ὁ πατὴρ αὐτοῦ τὴν εἰσ Ἰβηρίαν ἔξοδον μέλλοι στρατεύεσθαι μετὰ τῶν δυνάμεων, ἔτη μὲν ἔχειν ἐννέα, θύοντοσ δ’ αὐτοῦ τῷ Διὶ παρεστάναι παρὰ τὸν βωμόν.

ἐπεὶ δὲ καλλιερήσασ κατασπείσαι τοῖσ θεοῖσ καὶ ποιήσαι τὰ νομιζόμενα, τοὺσ μὲν ἄλλουσ τοὺσ περὶ τὴν θυσίαν ἀποστῆναι κελεῦσαι μικρόν, αὐτὸν δὲ προσκαλεσάμενον ἐρέσθαι φιλοφρόνωσ εἰ βούλεται συνεξορμᾶν ἐπὶ τὴν στρατείαν.

ἀσμένωσ δὲ κατανεύσαντοσ αὐτοῦ καί τι καὶ προσαξιώσαντοσ παιδικῶσ, λαβόμενον τῆσ δεξιᾶσ προσαγαγεῖν αὐτὸν πρὸσ τὸν βωμὸν καὶ κελεύειν ἁψάμενον τῶν ἱερῶν ὀμνύναι μηδέποτε Ῥωμαίοισ εὐνοήσειν.

ταῦτ’ οὖν εἰδότα σαφῶσ ἠξίου τὸν Ἀντίοχον, ἑώσ μὲν ἄν τι δυσχερὲσ βουλεύηται κατὰ Ῥωμαίων, θαρρεῖν καὶ πιστεύειν, αὐτὸν συνεργὸν ἕξειν νομίζοντ’ ἀληθινώτατον.

ἐπὰν δὲ διαλύσεισ ἢ φιλίαν συντίθηται πρὸσ αὐτούσ, τότε μὴ προσδεῖσθαι διαβολῆσ, ἀλλ’ ἀπιστεῖν καὶ φυλάττεσθαι·