헬라어 텍스트

Polybius, Histories, book 3, chapter 3

(폴리비오스, Histories, book 3, chapter 3)

μετὰ δὲ ταῦτα συγκεφαλαιωσάμενοι τὰσ ἐν Ἰβηρίᾳ καὶ Λιβύῃ καὶ Σικελίᾳ πράξεισ Ῥωμαίων καὶ Καρχηδονίων μεταβιβάσομεν τὴν διήγησιν ὁλοσχερῶσ εἰσ τοὺσ κατὰ τὴν Ἑλλάδα τόπουσ ἅμα ταῖσ τῶν πραγμάτων μεταβολαῖσ. τούτῳ συνάπτοντεσ τὸ συνεχὲσ μνησθησόμεθα τῆσ Αἰτωλῶν ὀργῆσ, καθ’ ἣν Ἀντίοχον ἐπισπασάμενοι τὸν ἀπὸ τῆσ Ἀσίασ Ἀχαιοῖσ καὶ Ῥωμαίοισ ἐξέκαυσαν πόλεμον.

τὸ δὲ τρίτον τίνα τρόπον Ῥωμαῖοι καταλύσαντεσ τὴν Γαλατῶν ὕβριν ἀδήριτον μὲν σφίσι παρεσκεύασαν τὴν τῆσ Ἀσίασ ἀρχήν, ἀπέλυσαν δὲ τοὺσ ἐπὶ τάδε τοῦ Ταύρου κατοικοῦντασ βαρβαρικῶν φόβων καὶ τῆσ Γαλατῶν παρανομίασ.

μετὰ δὲ ταῦτα θέντεσ ὑπὸ τὴν ὄψιν τὰσ Αἰτωλῶν καὶ Κεφαλλήνων ἀτυχίασ ἐπιβαλοῦμεν τοὺσ Εὐμένει συστάντασ πρόσ τε Προυσίαν καὶ Γαλάτασ πολέμουσ, ὁμοίωσ δὲ καὶ τὸν μετ’ Ἀριαράθου πρὸσ Φαρνάκην.

ἐπὶ πᾶσιν ἐξηγησάμενοι τὴν Ἀντιόχου στρατείαν εἰσ Αἴγυπτον τοῦ κληθέντοσ Ἐπιφανοῦσ καὶ τὸν Περσικὸν πόλεμον καὶ τὴν κατάλυσιν τῆσ ἐν Μακεδονίᾳ βασιλείασ.

δι’ ὧν ἅμα θεωρηθήσεται πῶσ ἕκαστα χειρίσαντεσ Ῥωμαῖοι πᾶσαν ἐποιήσαντο τὴν οἰκουμένην ὑπήκοον αὑτοῖσ.