헬라어 텍스트

Polybius, Histories, book 3, chapter 1

(폴리비오스, Histories, book 3, chapter 1)

Ὅτι μὲν ἀρχὰσ ὑποτιθέμεθα τῆσ αὑτῶν πραγματείασ τόν τε συμμαχικὸν καὶ τὸν Ἀννιβιακόν, πρὸσ δὲ τούτοισ τὸν περὶ Κοίλησ Συρίασ πόλεμον, ἐν τῇ πρώτῃ μὲν τῆσ ὅλησ συντάξεωσ, τρίτῃ δὲ ταύτησ ἀνώτερον βύβλῳ δεδηλώκαμεν· ὁμοίωσ δὲ καὶ τὰσ αἰτίασ, δι’ ἃσ ἀναδραμόντεσ τοῖσ χρόνοισ πρὸ τούτων τῶν καιρῶν συνεταξάμεθα τὰσ πρὸ ταύτησ βύβλουσ, ἐν αὐτῇ ’κείνῃ διεσαφήσαμεν.

νῦν δὲ πειρασόμεθα τοὺσ προειρημένουσ πολέμουσ καὶ τὰσ αἰτίασ, ἐξ ὧν ἐγένοντο καὶ δι’ ἃσ ἐπὶ τοσοῦτον ηὐξήθησαν, μετ’ ἀποδείξεωσ ἐξαγγέλλειν, βραχέα προειπόντεσ ὑπὲρ τῆσ αὑτῶν πραγματείασ.

τούτου δ’ ἔχοντοσ καὶ τὴν ἀρχὴν γνωριζομένην καὶ τὸν χρόνον ὡρισμένον καὶ τὴν συντέλειαν ὁμολογουμένην, χρήσιμον ἡγούμεθ’ εἶναι καὶ τὸ περὶ τῶν μεγίστων ἐν αὐτῷ μερῶν, ὅσα μεταξὺ κεῖται τῆσ ἀρχῆσ καὶ τοῦ τέλουσ, κεφαλαιωδῶσ ἐπιμνησθῆναι καὶ προεκθέσθαι.

μάλιστα γὰρ οὕτωσ ὑπολαμβάνομεν τοῖσ φιλομαθοῦσι παρασκευάσειν ἱκανὴν ἔννοιαν τῆσ ὅλησ ἐπιβολῆσ.

πολλὰ μὲν γὰρ προλαμβανούσησ τῆσ ψυχῆσ ἐκ τῶν ὅλων πρὸσ τὴν κατὰ μέροσ τῶν πραγμάτων γνῶσιν, πολλὰ δ’ ἐκ τῶν κατὰ μέροσ πρὸσ τὴν τῶν ὅλων ἐπιστήμην, ἀρίστην ἡγούμενοι τὴν ἐξ ἀμφοῖν ἐπίστασιν καὶ θέαν ἀκόλουθον τοῖσ εἰρημένοισ ποιησόμεθα τὴν προέκθεσιν τῆσ αὑτῶν πραγματείασ.

τὴν μὲν οὖν καθόλου τῆσ ὑποθέσεωσ ἔμφασιν καὶ τὴν περιγραφὴν ἤδη δεδηλώκαμεν.

περιέχεσθαι δ’ ἐν τούτῳ τηλικαύτασ καὶ τοιαύτασ πράξεισ, ὅσασ οὐδεὶσ τῶν προγεγονότων καιρῶν ἐν ἴσῳ περιέλαβε διαστήματι.