헬라어 문장 검색 - Πλυταρ́Τιμολεό40́

(플루타르코스, Timoleon, chapter 39)

ἐν τοιαύτῃ δὲ γηροτροφούμενοσ τιμῇ μετ’ εὐνοίασ, ὥσπερ πατὴρ κοινόσ, ἐκ μικρᾶσ προφάσεωσ τῷ χρόνῳ συνεφαψαμένησ ἐτελεύτησεν. ἡμερῶν δὲ δοθεισῶν τοῖσ μὲν Συρακουσίοισ εἰσ τὸ παρασκευάσαι τὰ περὶ τὴν ταφήν, τοῖσ δὲ περιοίκοισ καὶ ξένοισ εἰσ τὸ συνελθεῖν, τά τ’ ἄλλα λαμπρᾶσ χορηγίασ ἔτυχε, καὶ τὸ λέχοσ οἱ ψήφῳ τῶν νεανίσκων προκριθέντεσ ἔφερον κεκοσμημένον διὰ τῶν Διονυσίου τυραννείων τότε κατεσκαμμένων. προὔπεμπον δὲ πολλαὶ μυριάδεσ ἀνδρῶν καὶ γυναικῶν, ὧν ὄψισ μὲν ἦν ἑορτῇ πρέπουσα, πάντων ἐστεφανωμένων καὶ καθαρὰσ ἐσθῆτασ φορούντων, φωναὶ δὲ καὶ δάκρυα συγκεκραμένα τῷ μακαρισμῷ τοῦ τεθνηκότοσ οὐ τιμῆσ ἀφοσίωσιν οὐδὲ λειτουργίαν ἐκ προβουλεύματοσ, ἀλλὰ πόθον δίκαιον ἐπεδείκνυντο καὶ χάριν ἀληθινῆσ εὐνοίασ.

ὁ δῆμοσ ὁ Συρακουσίων Τιμολέοντα Τιμοδήμου Κορίνθιον τόνδε θάπτει μὲν διακοσίων μνῶν, ἐτίμησε δ’ εἰσ τὸν ἅπαντα χρόνον ἀγῶσι μουσικοῖσ, ἱππικοῖσ, γυμνικοῖσ, ὅτι τοὺσ τυράννουσ καταλύσασ καὶ τοὺσ βαρβάρουσ καταπολεμήσασ καὶ τὰσ μεγίστασ τῶν ἀναστάτων πόλεων οἰκίσασ ἀπέδωκε τοὺσ νόμουσ τοῖσ Σικελιώταισ.

ἐποιήσαντο δὲ τὴν ταφὴν τοῦ σώματοσ ἐν ἀγορᾷ, καὶ στοὰσ ὕστερον περιβαλόντεσ καὶ παλαίστρασ ἐνοικοδομήσαντεσ γυμνάσιον τοῖσ νέοισ ἀνῆκαν καὶ Τιμολεόντειον προσηγόρευσαν.

αὐτοὶ δὲ χρώμενοι πολιτείᾳ καὶ νόμοισ οὓσ ἐκεῖνοσ κατέστησεν, ἐπὶ πολὺν χρόνον εὐδαιμονοῦντεσ διετέλεσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Timoleon, chapter 39

(플루타르코스, Timoleon, chapter 39)

상위

목록

SEARCH

MENU NAVIGATION