헬라어 문장 검색 - Πλυταρ́Τιμολεό10́

(플루타르코스, Timoleon, chapter 9)

τὰ μὲν οὖν παρὰ τῶν θεῶν οὕτω τὸν στόλον ἐθάρρυνε καὶ σπεύδοντεσ, ὡσ τὸ πέλαγοσ διαπλέοντεσ, ἐκομίζοντο παρὰ τὴν Ἰταλίαν. τὰ δ’ ἀπὸ τῆσ Σικελίασ ἀγγελλόμενα πολλὴν ἀπορίαν τῷ Τιμολέοντι καὶ δυσθυμίαν τοῖσ στρατιώταισ παρεῖχεν. ὁ γὰρ Ἱκέτησ μάχῃ νενικηκὼσ Διονύσιον καὶ τὰ πλεῖστα μέρη τῶν Συρακουσῶν κατειληφώσ ἐκεῖνον μὲν εἰσ τὴν ἀκρόπολιν καὶ τὴν καλουμένην Νῆσον συνεσταλμένον αὐτὸσ συνεπολιόρκει καὶ συμπεριετείχιζε, Καρχηδονίουσ δὲ φροντίζειν ἐκέλευεν ὅπωσ οὐκ ἐπιβήσοιτο Τιμολέων Σικελίασ, ἀλλ’ ἀπωσθέντων ἐκείνων αὐτοὶ καθ’ ἡσυχίαν διανεμοῦνται πρὸσ ἀλλήλουσ τὴν νῆσον.

ὡσ οὖν καταπλεύσαντεσ εἰσ τὸ Ῥήγιον οἱ Κορίνθιοι τοῖσ τε πρεσβεύμασι τούτοισ ἐνέτυχον καὶ τοὺσ Φοίνικασ οὐ πρόσω ναυλοχοῦντασ κατεῖδον, ἤχθοντο μὲν ὑβρισμένοι, καὶ παρίστατο πᾶσιν ὀργὴ πρὸσ τὸν Ἱκέτην καὶ δέοσ ὑπὲρ Σικελιωτῶν, οὓσ σαφῶσ ἑώρων ἆθλα λειπομένουσ καὶ μισθόν Ἱκέτῃ μὲν προδοσίασ, Καρχηδονίοισ δὲ τυραννίδοσ, ἐδόκει δ’ ἀμήχανον ὑπερβαλέσθαι καὶ τὰσ αὐτόθι τῶν βαρβάρων ναῦσ διπλασίασ ἐφορμούσασ καὶ τὴν ἐκεῖ μεθ’ Ἱκέτου δύναμιν, ᾗ στρατηγήσοντεσ ἥκοιεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Timoleon, chapter 9

(플루타르코스, Timoleon, chapter 9)

상위

목록

SEARCH

MENU NAVIGATION