Plutarch, Timoleon, chapter 27

(플루타르코스, Timoleon, chapter 27)

τὸ μὲν οὖν ἔτοσ ἱσταμένου θέρουσ εἶχεν ὡρ́αν, καὶ λήγοντι μηνὶ Θαργηλιῶνι πρὸσ τὰσ τροπὰσ ἤδη συνῆπτε τὸν καιρόν· ὁμίχλην δὲ τοῦ ποταμοῦ πολλὴν ἀναδιδόντοσ πρῶτον μὲν ἀπεκρύπτετο ζόφῳ τὸ πεδίον, καὶ σύνοπτον οὐδὲν ἦν ἀπὸ τῶν πολεμίων, πλὴν ἠχή τισ ἄκριτοσ καὶ συμμιγὴσ ἄνω πρὸσ τὸν λόφον ἐχώρει πρόσωθεν ἀνισταμένησ στρατιᾶσ τοσαύτησ. ὡσ δ’ ἀναβάντεσ ἐπὶ τὸν λόφον ἔστησαν οἱ Κορίνθιοι καὶ θέμενοι τὰσ ἀσπίδασ διανεπαύοντο, τοῦ ἡλίου περιφερομένου καὶ μετεωρίζοντοσ τὴν ἀναθυμίασιν, ὁ μὲν θολερὸσ ἀὴρ ἀθροιζόμενοσ πρὸσ τὰ ὑψηλὰ καὶ συνιστάμενοσ κατενέφωσε τὰσ ἀκρωρείασ, τῶν δὲ ὑπὸ πόδασ τόπων ἀνακαθαιρομένων ὅ τε Κρίμησοσ ἐξεφάνη καὶ διαβαίνοντεσ αὑτὸν ὤφθησαν οἱ πολέμιοι, πρώτοισ μὲν τοῖσ τεθρίπποισ ἐκπληκτικῶσ πρὸσ ἀγῶνα κατεσκευασμένοισ, κατόπιν δὲ τούτων μυρίοισ ὁπλίταισ λευκάσπισι.

τούτουσ ἐτεκμαίροντο Καρχηδονίουσ εἶναι τῇ λαμπρότητι τῆσ σκευῆσ καὶ τῇ βραδυτῆτι καὶ τάξει τῆσ πορείασ, μετὰ δὲ τούτουσ τῶν λοιπῶν ἐθνῶν ἐπιρρεόντων καὶ τὴν διάβασιν μετ’ ὠθισμοῦ καὶ ταραχῆσ ποιουμένων, συνιδὼν ὁ Τιμολέων τὸν ποταμὸν αὐτοῖσ ταμιεύοντα τοῦ πλήθουσ τῶν πολεμίων ἀπολαβεῖν ὅσοισ ἐθέλοιεν αὐτοὶ μάχεσθαι, καὶ τοὺσ στρατιώτασ καθορᾶν κελεύσασ τὴν φάλαγγα τῷ ῥείθρῳ διαλελυμένην καὶ τοὺσ μὲν ἤδη διαβεβηκότασ, τοὺσ δὲ μέλλοντασ, προσέταξε Δημαρέτῳ λαβόντι τοὺσ ἱππεῖσ ἐμβαλεῖν εἰσ τοὺσ Καρχηδονίουσ καὶ συνταράξαι τὸν διάκοσμον αὐτῶν τῆσ παρατάξεωσ οὔπω καθεστώσησ.

τὸ τῶν ἱππέων ἀποθεωρῶν ἔργον, ὡσ δὲ ἐκείνουσ εἶδεν ὑπὸ τῶν ἁρμάτων πρὸ τῆσ τάξεωσ διαθεόντων εἰσ χεῖρασ ἐλθεῖν τοῖσ Καρχηδονίοισ οὐ δυναμένουσ, ἀλλ’ ὅπωσ μὴ συνταραχθεῖεν ἀναγκαζομένουσ ἐξελίττειν συνεχῶσ καὶ πυκνὰσ ἐξ ἐπιστροφῆσ ποιεῖσθαι τὰσ ἐπελάσεισ, ἀναλαβὼν τὴν ἀσπίδα καὶ βοήσασ ἕπεσθαι καὶ θαρρεῖν τοῖσ πεζοῖσ ἔδοξεν ὑπερφυεῖ φωνῇ καὶ μείζονι κεχρῆσθαι τῆσ συνήθουσ, εἴτε τῷ πάθει παρὰ τὸν ἀγῶνα καὶ τὸν ἐνθουσιασμὸν οὕτω διατεινάμενοσ, εἴτε δαιμονίου τινόσ, ὡσ τοῖσ πολλοῖσ τότε παρέστη, συνεπιφθεγξαμένου.

ταχὺ δὲ τὴν κραυγὴν ἀνταποδόντων, καὶ παρεγγυώντων ἄγειν καὶ μὴ μέλλειν, τοῖσ μὲν ἱππόταισ ἐσήμανεν ἔξω παρὰ τὴν τάξιν τῶν ἁρμάτων παρελάσαι καὶ κατὰ κέρασ προσφέρεσθαι τοῖσ πολεμίοισ, αὐτὸσ δὲ τοὺσ προμάχουσ πυκνώσασ τῷ συνασπισμῷ, καὶ τὴν σάλπιγγα κελεύσασ ἐπιφθέγξασθαι, προσέβαλε τοῖσ Καρχηδονίοισ.

일치하는 문장이 없습니다.

SEARCH

MENU NAVIGATION