Plutarch, Timoleon, chapter 11

(플루타르코스, Timoleon, chapter 11)

οἱ δ’ ἐν τῷ Ῥηγίῳ Καρχηδόνιοι τοῦ Τιμολέοντοσ ἀνηγμένου καὶ τῆσ ἐκκλησίασ διαλυθείσησ χαλεπῶσ φέροντεσ, ἐν τῷ κατεστρατηγῆσθαι διατριβὴν τοῖσ Ῥηγίνοισ παρεῖχον, εἰ Φοίνικεσ ὄντεσ οὐκ ἀρέσκοιντο τοῖσ δι’ ἀπάτησ πραττομένοισ. πέμπουσι δ’ οὖν εἰσ τὸ Ταυρομένιον πρεσβευτὴν ἐπὶ τριήρουσ, ὃσ πολλὰ διαλεχθεὶσ πρὸσ τὸν Ἀνδρόμαχον, ἐπαχθῶσ καὶ βαρβαρικῶσ ἀνατεινάμενοσ εἰ μὴ τὴν ταχίστην ἐκβάλλει τοὺσ Κορινθίουσ, τέλοσ ὑπτίαν τὴν χεῖρα δείξασ, εἶτ’ αὖθισ καταστρέψασ ἠπείλησε τοιαύτην οὖσαν αὐτῷ τὴν πόλιν τοιαύτην ποιήσειν.

γελάσασ δ’ ὁ Ἀνδρόμαχοσ ἄλλο μὲν οὐδὲν ἀπεκρίνατο, τὴν δὲ χεῖρα νῦν μὲν ὑπτίαν, ὡσ ἐκεῖνοσ, νῦν δὲ πρηνῆ προτείνασ ἐκέλευσεν ἀποπλεῖν αὐτόν, εἰ μὴ βούλοιτο τὴν ναῦν ἀντὶ τοιαύτησ γενέσθαι τοιαύτην. ὁ δ’ Ἱκέτησ πυθόμενοσ τὴν τοῦ Τιμολέοντοσ διάβασιν καὶ φοβηθείσ μετεπέμψατο πολλὰσ τῶν Καρχηδονίων τριήρεισ, ὅτε καὶ παντάπασι συνέβη τοὺσ Συρακουσίουσ ἀπογνῶναι τὴν σωτηρίαν, ὁρῶντασ τοῦ μὲν λιμένοσ αὐτῶν Καρχηδονίουσ κρατοῦντασ, τὴν δὲ πόλιν Ἱκέτην ἔχοντα, τῆσ δ’ ἄκρασ κυριεύοντα Διονύσιον, Τιμολέοντα δὲ ὥσπερ ἐκ κρασπέδου τινὸσ λεπτοῦ τῆσ Ταυρομενιτῶν πολίχνησ τῇ Σικελίᾳ προσηρτημένον ἐπ’ ἐλπίδοσ ἀσθενοῦσ καὶ βραχείασ δυνάμεωσ·

χιλίων γὰρ αὐτῷ στρατιωτῶν καὶ τροφῆσ τούτοισ ἀναγκαίασ πλέον οὐδὲν ὑπῆρχεν. οὐδ’ ἐπίστευον αἱ πόλεισ διάπλεαι κακῶν οὖσαι καὶ πρὸσ ἅπαντασ ἀπηγριωμέναι τοὺσ ἡγουμένουσ στρατοπέδων, μάλιστα διὰ τὴν Καλλίππου καὶ Φάρακοσ ἀπιστίαν, ὧν ὁ μὲν Ἀθηναῖοσ ὤν, ὁ δὲ Λακεδαιμόνιοσ, ἀμφότεροι δὲ φάσκοντεσ ὑπὲρ τῆσ ἐλευθερίασ ἥκειν καὶ καταλύειν τοὺσ μονάρχουσ, χρυσὸν ἀπέδειξαν τῇ Σικελίᾳ τὰσ ἐν τῇ τυραννίδι συμφοράσ καὶ μακαριωτέρουσ δοκεῖν ἐποίησαν τοὺσ καταστρέψαντασ ἐν τῇ δουλείᾳ τῶν ἐπιδόντων τὴν αὐτονομίαν.

일치하는 문장이 없습니다.

SEARCH

MENU NAVIGATION