헬라어 문장 검색 - Πλυταρ́Τιμολεό27́

(플루타르코스, Timoleon, chapter 26)

ἀναβαίνοντι δὲ αὐτῷ πρὸσ λόφον, ὃν ὑπερβαλόντεσ ἔμελλον κατόψεσθαι τὸ στράτευμα καὶ τὴν δύναμιν τῶν πολεμίων, ἐμβάλλουσιν ἡμίονοι σέλινα κομίζοντεσ· καὶ τοῖσ στρατιώταισ εἰσῆλθε πονηρὸν εἶναι τὸ σημεῖον, ὅτι τὰ μνήματα τῶν νεκρῶν εἰώθαμεν ἐπιεικῶσ στεφανοῦν σελίνοισ· καὶ παροιμία τισ ἐκ τούτου γέγονε, τὸν ἐπισφαλῶσ νοσοῦντα δεῖσθαι σελίνου. βουλόμενοσ οὖν αὐτοὺσ ἀπαλλάξαι τῆσ δεισιδαιμονίασ καὶ τὴν δυσελπιστίαν ἀφελεῖν ὁ Τιμολέων, ἐπιστήσασ τὴν πορείαν ἄλλα τε πρέποντα τῷ καιρῷ διελέχθη, καὶ τὸν στέφανον αὐτοῖσ ἔφη πρὸ τῆσ νίκησ κομιζόμενον αὐτομάτωσ εἰσ τὰσ χεῖρασ ἥκειν, ᾧ Κορίνθιοι στεφανοῦσι τοὺσ Ἴσθμια νικῶντασ, ἱερὸν καὶ πάτριον τὸ στέμμα τοῦ σελίνου νομίζοντεσ, ἔτι γὰρ τότε τῶν Ἰσθμίων, ὥσπερ νῦν τῶν Νεμείων, τὸ σέλινον ἦν στέφανοσ, οὐ πάλαι δὲ ἡ πίτυσ γέγονεν.

ἐντυχὼν οὖν ὁ Τιμολέων, ὥσπερ εἴρηται, τοῖσ στρατιώταισ καὶ λαβὼν τῶν σελίνων κατεστέψατο πρῶτοσ αὐτόσ, εἶτα οἱ περὶ αὐτὸν ἡγεμόνεσ καὶ τὸ πλῆθοσ.

οἱ δὲ μάντεισ κατιδόντεσ ἀετοὺσ δύο προσφερομένουσ, ὧν ὁ μὲν δράκοντα τοῖσ ὄνυξιν ἔφερε διαπεπαρμένον, ὁ δὲ ἵπτατο κεκλαγὼσ μέγα καὶ θαρραλέον, ἐπεδείκνυον τοῖσ στρατιώταισ, καὶ πρὸσ εὐχὰσ θεῶν καὶ ἀνακλήσεισ ἐτράποντο πάντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Timoleon, chapter 26

(플루타르코스, Timoleon, chapter 26)

상위

목록

SEARCH

MENU NAVIGATION