헬라어 문장 검색 - Πλυταρ́Τιμολεό03́

(플루타르코스, Timoleon, chapter 2)

ἐν τούτῳ δὲ Καρχηδονίων στόλῳ μεγάλῳ παραγενομένων εἰσ Σικελίαν καὶ τοῖσ πράγμασιν ἐπαιωρουμένων φοβηθέντεσ οἱ Σικελιῶται πρεσβείαν ἐβούλοντο πέμπειν εἰσ τὴν Ἑλλάδα καὶ παρὰ Κορινθίων βοήθειαν αἰτεῖν, οὐ μόνον διὰ τὴν συγγένειαν οὐδ’ ἀφ’ ὧν ἤδη πολλάκισ εὐεργέτηντο πιστεύοντεσ ἐκείνοισ, ἀλλὰ καὶ καθόλου τὴν πόλιν ὁρῶντεσ φιλελεύθερον καὶ μισοτύραννον οὖσαν ἀεί, καὶ τῶν πολέμων τοὺσ πλείστουσ καὶ μεγίστουσ πεπολεμηκυῖαν οὐχ ὑπὲρ ἡγεμονίασ καὶ πλεονεξίασ, ἀλλ’ ὑπὲρ τῆσ τῶν Ἑλλήνων ἐλευθερίασ. ὁ δ’ Ἱκέτησ, ἅτε δὴ τῆσ στρατηγίασ ὑπόθεσιν τὴν τυραννίδα πεποιημένοσ, οὐ τὴν Συρακουσίων ἐλευθερίαν, κρύφα μὲν ἤδη πρὸσ τοὺσ Καρχηδονίουσ διείλεκτο, φανερῶσ δὲ τοὺσ Συρακουσίουσ ἐπῄνει καὶ τοὺσ πρέσβεισ εἰσ Πελοπόννησον συνεξέπεμψεν, οὐ βουλόμενοσ ἐλθεῖν συμμαχίαν ἐκεῖθεν, ἀλλ’ ἐάν, ὅπερ εἰκὸσ ἦν, οἱ Κορίνθιοι διὰ τὰσ Ἑλληνικὰσ ταραχὰσ καὶ ἀσχολίασ ἀπείπωσι τὴν βοήθειαν, ἐλπίζων ῥᾷον ἐπὶ τοὺσ Καρχηδονίουσ τὰ πράγματα μετάξειν καὶ χρήσεσθαι συμμάχοισ καὶ συναγωνισταῖσ ἐκείνοισ ἐπὶ τοὺσ Συρακουσίουσ ἢ κατὰ τοῦ τυράννου, ταῦτα μὲν οὖν ὀλίγον ὕστερον ἐξηλέγχθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Timoleon, chapter 2

(플루타르코스, Timoleon, chapter 2)

상위

목록

SEARCH

MENU NAVIGATION