헬라어 문장 검색 - Πλυταρ́Τιμολεό20́

(플루타르코스, Timoleon, chapter 19)

ταῦτα μὲν οὖν ἔτι τῇ προνοίᾳ καὶ ἀρετῇ δίδωσί τινα πρὸσ τὴν τύχην ἀμφισβήτησιν τὸ δ’ ἐπὶ τούτοισ γενόμενον παντάπασιν ἐοίκε συμβῆναι κατ’ εὐτυχίαν. οἱ γὰρ ἐν τοῖσ Θουρίοισ διατρίβοντεσ στρατιῶται τῶν Κορινθίων ἅμα μὲν δεδιότεσ τὰσ Καρχηδονίων τριήρεισ, αἳ παρεφύλαττον αὐτοὺσ μετὰ Ἄννωνοσ, ἅμα δ’ ἐφ’ ἡμέρασ πολλὰσ ἐξηγριωμένησ ὑπὸ πνεύματοσ τῆσ θαλάττησ, πεζῇ διὰ Βρεττίων ὡρ́μησαν πορεύεσθαι· καὶ τὰ μὲν πείθοντεσ, τὰ δὲ βιαζόμενοι τοὺσ βαρβάρουσ εἰσ Ῥήγιον κατέβαινον ἔτι πολὺν χειμῶνα τοῦ πελάγουσ ἔχοντοσ. ὁ δὲ τῶν Καρχηδονίων ναύαρχοσ, ὡσ οὐ προσεδόκα τοὺσ Κορινθίουσ καὶ μάτην ᾤετο καθῆσθαι, πείσασ αὐτὸσ ἑαυτὸν νενοηκέναι τι τῶν σοφῶν καὶ πανούργων πρὸσ ἀπάτην, στεφανώσασθαι τοὺσ ναύτασ κελεύσασ καὶ κοσμήσασ τὰσ τριήρεισ ἀσπίσιν Ἑλληνικαῖσ καὶ φοινικίσιν, ἔπλει πρὸσ τὰσ Συρακούσασ.

καὶ παρὰ τὴν ἀκρόπολιν χρώμενοσ ῥοθίῳ μετὰ κρότου καὶ γέλωτοσ ἐβόα τοὺσ Κορινθίουσ ἥκειν νενικηκὼσ καὶ κεχειρωμένοσ, ἐν τῇ θαλάττῃ λαβὼν διαπλέοντασ, ὡσ δή τινα δυσθυμίαν τοῖσ πολιορκουμένοισ παρέξων. ἐκείνου δὲ ταῦτα ληροῦντοσ καὶ φενακίζοντοσ ἐκ τῶν Βρεττίων καταβεβηκότεσ οἱ Κορίνθιοι εἰσ τὸ Ῥήγιον, ὡσ οὐδεὶσ παρεφύλαττε καὶ τὸ πνεῦμα κατεσβεσμένον παραλόγωσ ἀκύμονα τὸν πόρον ἰδεῖν καὶ λεῖον παρεῖχε, ταχὺ πληρώσαντεσ τὰ πορθμεῖα καὶ τὰσ ἁλιάδασ τὰσ παρούσασ ἀνήγοντο καὶ διεκομίζοντο πρὸσ τὴν Σικελίαν, οὕτωσ ἀσφαλῶσ καὶ διὰ τοσαύτησ γαλήνησ ὥστε τοὺσ ἵππουσ παρὰ τὰ πλοῖα παρανηχομένουσ ἐκ ῥυτήρων ἐφέλκεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Timoleon, chapter 19

(플루타르코스, Timoleon, chapter 19)

상위

목록

SEARCH

MENU NAVIGATION