헬라어 문장 검색 - Πλυταρ́Τιμολεό22́

(플루타르코스, Timoleon, chapter 21)

τῇ δ’ ὑστεραίᾳ παρῆν ὁ Τιμολέων ἐπὶ μάχην συντεταγμένοσ· ὡσ δὲ τὴν φυγὴν ἐπυνθάνοντο καὶ τὴν ἐρημίαν ἑώρων τῶν νεωρίων, γελᾶν αὐτοῖσ ἐπῄει τὴν ἀνανδρίαν τοῦ Μάγωνοσ, καὶ περιϊόντεσ ἐκήρυττον ἐν τῇ πόλει μήνυτρα τῷ φράσαντι τὸν Καρχηδονίων στόλον ὅπῃ σφᾶσ ἀποδέδρακεν. οὐ μὴν ἀλλὰ τοῦ Ἱκέτου φιλομαχοῦντοσ ἔτι καὶ τὴν λαβὴν οὐ προϊεμένου τῆσ πόλεωσ, ἀλλὰ ἐμπεφυκότοσ οἷσ κατεῖχε μέρεσι καρτεροῖσ οὖσι καὶ δυσπροσμάχοισ, διελὼν ὁ Τιμολέων τὴν δύναμιν αὐτὸσ μὲν ᾗ βιαιότατον ἦν παρὰ τὸ ῥεῖθρον τοῦ Ἀνάπου προσέβαλλεν, ἄλλουσ δ’ ἐκ τῆσ Ἀχραδινῆσ ἐκέλευεν ἐπιχειρεῖν, ὧν Ἰσίασ ἡγεῖτο ὁ Κορίνθιοσ, τοὺσ δὲ τρίτουσ ἐπῆγον ἐπὶ τὰσ Ἐπιπολὰσ Δείναρχοσ καὶ Δημάρετοσ, οἱ τὴν ὑστέραν ἀγαγόντεσ ἐκ Κορίνθου βοήθειαν.

ἅμα δὲ καὶ πανταχόθεν τῆσ ἐφόδου γενομένησ καὶ τῶν περὶ τὸν Ἱκέτην ἀνατραπέντων καὶ φευγόντων, τὸ μὲν ἁλῶναι τὴν πόλιν κατ’ ἄκρασ καὶ γενέσθαι ταχέωσ ὑποχείριον ἐκπεσόντων τῶν πολεμίων δίκαιον ἀναθεῖναι τῇ τῶν μαχομένων ἀνδραγαθίᾳ καὶ τῇ δεινότητι τοῦ στρατηγοῦ, τὸ δὲ μὴ ἀποθανεῖν τινα μηδὲ τρωθῆναι τῶν Κορινθίων ἴδιον ἔργον αὑτῆσ ἡ Τιμολέοντοσ ἐπεδείξατο τύχη, καθάπερ διαμιλλωμένη πρὸσ τὴν ἀρετὴν τοῦ ἀνδρόσ, ἵνα τῶν ἐπαινουμένων αὐτοῦ τὰ μακαριζόμενα μᾶλλον οἱ πυνθανόμενοι θαυμάζωσιν.

οὐ γὰρ μόνον Σικελίαν πᾶσαν οὐδ’ Ἰταλίαν εὐθὺσ ἡ φήμη κατέσχεν, ἀλλ’ ἡμερῶν ὀλίγων ᾗ Ἑλλὰσ διήχει τὸ μέγεθοσ τοῦ κατορθώματοσ, ὥστε τὴν τῶν Κορινθίων πόλιν ἀπιστοῦσαν εἰ διαπέπλευκεν ὁ στόλοσ, ὁμοῦ καὶ σεσῳσμένουσ καὶ νενικηκότασ ἀκούειν τοὺσ ἄνδρασ.

οὕτωσ εὐρόησαν αἱ πράξεισ, καὶ τοσοῦτο τῷ κάλλει τῶν ἔργων τὸ τάχοσ ἡ τύχη προσέθηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Timoleon, chapter 21

(플루타르코스, Timoleon, chapter 21)

상위

목록

SEARCH

MENU NAVIGATION