헬라어 문장 검색 - Πλυταρ́Τιμολεό38́

(플루타르코스, Timoleon, chapter 37)

ἐπεὶ δὲ χρῆν, ὡσ ἐοίκεν, οὐ μόνον πᾶσι κορυδαλλοῖσ λόφον ἐγγίγνεσθαι, κατὰ Σιμωνίδην, ἀλλὰ καὶ πάσῃ δημοκρατίᾳ συκοφάντην, ἐπεχείρησαν καὶ Τιμολέοντι δύο τῶν δημαγωγῶν, Λαφύστιοσ καὶ Δημαίνετοσ. ὧν Λαφυστίου μὲν αὑτὸν πρόσ τινα δίκην κατεγγυῶντοσ οὐκ εἰά θορυβεῖν οὐδὲ κωλύειν τοὺσ πολίτασ· ἑκὼν γὰρ αὐτὸσ ὑπομεῖναι τοσούτουσ πόνουσ καὶ κινδύνουσ ὑπὲρ τοῦ τοῖσ νόμοισ χρῆσθαι τὸν βουλόμενον Συρακουσίων·

τοῦ δὲ Δημαινέτου πολλὰ κατηγορήσαντοσ ἐν ἐκκλησίᾳ τῆσ στρατηγίασ, πρόσ ἐκεῖνον μὲν οὐδὲν ἀντεῖπε, τοῖσ δὲ θεοῖσ ἔφη χάριν ὀφείλειν, οἷσ εὔξατο Συρακουσίουσ ἐπιδεῖν τῆσ παρρησίασ κυρίουσ γενομένουσ. ἐπιδειξάμενοσ δὲ δεινότητα μὲν καὶ ἀνδρείαν τοῖσ βαρβάροισ καὶ τοῖσ τυράννοισ, δικαιοσύνην δὲ καὶ πρᾳότητα τοῖσ Ἕλλησι καὶ τοῖσ φίλοισ, τὰ δὲ πλεῖστα τρόπαια τῶν ἀγώνων ἀδάκρυτα καὶ ἀπενθῆ τοῖσ πολίταισ καταστήσασ, καθαρὰν δὲ τὴν Σικελίαν ἐν οὐδ’ ὅλοισ ἔτεσιν ὀκτὼ ἀϊδίων καὶ συνοίκων κακῶν καὶ νοσημάτων παραδοὺσ τοῖσ κατοικοῦσιν, ἤδη πρεσβύτεροσ ὢν ἀπημβλύνθη τὴν ὄψιν, εἶτα τελέωσ ἐπηρώθη μετ’ ὀλίγον, οὔτε αὐτὸσ ἑαυτῷ πρόφασιν παρασχών οὔτε παροινηθεὶσ ὑπὸ τῆσ τύχησ, ἀλλὰ συγγενικῆσ τινοσ, ὡσ ἐοίκεν, αἰτίασ καὶ καταβολῆσ ἅμα τῷ χρόνῳ συνεπιθεμένησ·

λέγονται γὰρ οὐκ ὀλίγοι τῶν κατὰ γένοσ αὐτῷ προσηκόντων ὁμοίωσ ἀποβαλεῖν τὴν ὄψιν ὑπὸ γήρωσ ἀπομαρανθεῖσαν.

ὁ δὲ Ἄθανισ ἔτι συνεστῶτοσ τοῦ πρόσ Ἵππωνα πολέμου καὶ Μάμερκον, ἐν Μυλαῖσ ἐπὶ στρατοπέδου φησὶν ἀπογλαυκωθῆναι τὴν ὄψιν αὐτοῦ, καὶ πᾶσι φανερὰν γενέσθαι τὴν πήρωσιν, οὐ μὴν ἀποστῆναι διὰ τοῦτο τῆσ πολιορκίασ, ἀλλ’ ἐμμείναντα τῷ πολέμῳ λαβεῖν τοὺσ τυράννουσ·

ὡσ δὲ ἐπανῆλθεν εἰσ Συρακούσασ, εὐθὺσ ἀποθέσθαι τὴν μοναρχίαν καὶ παραιτεῖσθαι τοὺσ πολίτασ, τῶν πραγμάτων εἰσ τὸ κάλλιστον ἡκόντων τέλοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Timoleon, chapter 37

(플루타르코스, Timoleon, chapter 37)

상위

목록

SEARCH

MENU NAVIGATION