Plutarch, Timoleon, chapter 36 1:

πολλῶν γοῦν κατ’ αὐτὸν Ἑλλήνων μεγάλων γενομένων καὶ μεγάλα κατεργασαμένων, ὧν καὶ Τιμόθεοσ ἦν καὶ Ἀγησίλαοσ καὶ Πελοπίδασ καὶ ὁ μάλιστα ζηλωθεὶσ ὑπὸ Τιμολέοντοσ Ἐπαμεινώνδασ, αἱ μὲν ἐκείνων πράξεισ βίᾳ τινὶ καὶ πόνῳ τὸ λαμπρὸν ἐξενηνόχασι μεμιγμένον, ὥστε καὶ μέμψιν ἐνίαισ ἐπιγίνεσθαι καὶ μετάνοιαν, τῶν δὲ Τιμολέοντοσ ἔργων, ἔξω λόγου θεμένοισ τὴν περὶ τὸν ἀδελφὸν ἀνάγκην, οὐδέν ἐστιν ᾧ μὴ τὰ τοῦ Σοφοκλέουσ, ὥσ φησι Τίμαιοσ, ἐπιφωνεῖν ἔπρεπεν ὦ θεοί, τίσ ἆρα Κύπρισ ἢ τίσ Ἵμεροσ τοῦδε ξυνήψατο;