호흡부호 보기
강세부호 보기
장단부호 보기
작은 Iota 보기
모든 부호 보기
οἱ δὲ τὴν μὲν πρώτην ἐπιδρομὴν ὑπέστησαν ἐρρωμένωσ, καὶ τῷ καταπεφράχθαι τὰ σώματα σιδηροῖσ θώραξι καὶ χαλκοῖσ κράνεσιν ἀσπίδασ τε μεγάλασ προβεβλῆσθαι διεκρούοντο τὸν δορατισμόν. ἐπεὶ δὲ εἰσ ξίφη συνῆλθεν ὁ ἀγών καί τέχνησ οὐχ ἧττον ἢ ῥώμησ ἐγεγόνει τὸ ἔργον, ἐξαίφνησ ἀπὸ τῶν ὀρῶν βρονταί τε φοβεραὶ κατερρήγνυντο καὶ πυρώδεισ ἀστραπαὶ συνεξέπιπτον. τοῖσ δὲ Καρχηδονίοισ οὐκ οὖσιν εὐζώνοισ τὸν ὁπλισμόν, ἀλλ’, ὥσπερ εἴρηται, καταπεφραγμένοισ, ὅ τε πηλὸσ ἐμπόδιοσ ἦν οἵ τε κόλποι πληρούμενοι τῶν χιτώνων ὕδατοσ, ὥσθ’ αὑτοῖσ μὲν εἰσ τὸν ἀγῶνα χρῆσθαι βαρεῖσ ἦσαν καὶ δύσεργοι, ῥᾴδιοι δὲ τοῖσ Ἕλλησι περιτρέπεσθαι, καὶ πεσόντεσ ἀμήχανοι πάλιν ἐκ πηλοῦ μετὰ τῶν ὅπλων ἀναστῆναι.
καὶ γὰρ ὁ Κρίμησοσ ὑπὸ τῶν διαβαινόντων ἐκλύσθη μέγασ ἤδη τοῖσ ὄμβροισ ηὐξημένοσ, καὶ τὸ πεδίον τὸ περὶ αὐτόν ὑπὸ πολλὰσ συναγκείασ καὶ φάραγγασ ὑποκείμενον ἐπίμπλατο ῥευμάτων οὐ κατὰ πόρον φερομένων, οἷσ οἱ Καρχηδόνιοι καλινδούμενοι χαλεπῶσ ἀπήλλαττον.
τέλοσ δὲ τοῦ χειμῶνοσ ἐπικειμένου, καὶ τῶν Ἑλλήνων τὴν πρώτην τάξιν αὐτῶν, ἄνδρασ τετρακοσίουσ, καταβαλόντων, ἐτράπη τὸ πλῆθοσ εἰσ φυγήν. καὶ πολλοὶ μὲν ἐν τῷ πεδίῳ καταλαμβανόμενοι διεφθείροντο, πολλοὺσ δὲ ὁ ποταμὸσ τοῖσ ἔτι περαιουμένοισ συμπίπτοντασ ἐμβάλλων καὶ παραφέρων ἀπώλλυε, πλείστουσ δὲ τῶν λόφων ἐφιεμένουσ ἐπιθέοντεσ οἱ ψιλοὶ κατειργάσαντο.
οὔτε γὰρ γένεσιν οὔτε πλούτοισ οὔτε δόξαισ ἕτεροι βελτίονεσ ἦσαν ἐκείνων, οὔτε ἀποθανόντασ ποτὲ μιᾷ μάχῃ πρότερον ἐξ αὐτῶν Καρχηδονίων τοσούτουσ μνημονεύουσιν, ἀλλὰ Λίβυσι τὰ πολλὰ καὶ Ἴβηρσι καὶ Νομάσι χρώμενοι πρὸσ τὰσ μάχασ ἀλλοτρίαισ βλάβαισ ἀνεδέχοντο τὰσ ἥττασ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기