헬라어 문장 검색 - Πλυταρ́Τιμολεό19́

(플루타르코스, Timoleon, chapter 18)

οὐ μὴν ἀλλ’ ὁ Τιμολέων παρεβοήθει σῖτον ἐκ Κατάνησ μικραῖσ ἁλιάσι καὶ λεπτοῖσ ἀκατίοισ ἀποστέλλων, ἃ μάλιστα χειμῶνι παρεισέπιπτε διὰ τῶν βαρβαρικῶν τριήρων ὑποπορευόμενα, πρὸσ τὸν κλύδωνα καὶ τὸν σάλον ἐκείνων διϊσταμένων, ἃ δὴ συνορῶντεσ οἱ περὶ τὸν Μάγωνα καὶ τὸν Ἱκέτην ἐβούλοντο τὴν Κατάνην ἑλεῖν, ἐξ ἧσ εἰσέπλει τὰ ἐπιτήδεια τοῖσ πολιορκουμένοισ καὶ λαβόντεσ τῆσ δυνάμεωσ τὴν μαχιμωτάτην ἐξέπλευσαν ἐκ τῶν Συρακουσῶν, ὁ δὲ Κορίνθιοσ Νέων οὗτοσ γὰρ ἦν ἄρχων τῶν πολιορκουμένων κατιδὼν ἀπὸ τῆσ ἄκρασ τοὺσ ὑπολελειμμένουσ τῶν πολεμίων ἀργῶσ καὶ ἀμελῶσ φυλάττοντασ ἐξαίφνησ ἐπέπεσε διεσπαρμένοισ αὐτοῖσ· καὶ τοὺσ μὲν ἀνελών, τοὺσ δὲ τρεψάμενοσ, ἐκράτησε καὶ κατέσχε τὴν λεγομένην Ἀχραδινήν, ὃ κράτιστον ἐδόκει καὶ ἀθραυστότατον ὑπάρχειν τῆσ Συρακουσίων μέροσ πόλεωσ, τρόπον τινὰ συγκειμένησ καὶ συνηρμοσμένησ ἐκ πλειόνων πόλεων, εὐπορήσασ δὲ καὶ σίτου καὶ χρημάτων οὐκ ἀφῆκε τὸν τόπον, οὐδ’ ἀνεχώρησε πάλιν ἐπὶ τὴν ἄκραν, ἀλλὰ φραξάμενοσ τὸν περίβολον τῆσ Ἀχραδινῆσ καὶ συνάψασ τοῖσ ἐρύμασι πρὸσ τὴν ἀκρόπολιν διεφύλαττε.

τοὺσ δὲ περὶ τὸν Μάγωνα καὶ τὸν Ἱκέτην ἐγγὺσ ἤδη τῆσ Κατάνησ ὄντασ ἱππεὺσ ἐκ Συρακουσῶν καταλαβὼν ἀπήγγειλε τὴν ἅλωσιν τῆσ Ἀχραδινῆσ.

καὶ συνταραχθέντεσ ἀνεχώρησαν διὰ ταχέων, οὔτε λαβόντεσ ἐφ’ ἣν ἐξῆλθον οὔτε φυλάξαντεσ ἣν εἶχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Timoleon, chapter 18

(플루타르코스, Timoleon, chapter 18)

상위

목록

SEARCH

MENU NAVIGATION