헬라어 문장 검색 - Πλυταρ́Τιμολεό14́

(플루타르코스, Timoleon, chapter 13)

ταῦτα δ’, ὡσ ἐοίκεν, οὐ τὴν τότε νίκην ἐσήμαινε μόνον, ἀλλὰ καὶ τὰσ μετὰ ταῦτα πράξεισ, αἷσ ἐκεῖνοσ ὁ ἀγὼν ἀρχὴν εὐτυχῆ παρέσχε, καὶ γὰρ πόλεισ εὐθὺσ ἐπιπρεσβευόμεναι προσετίθεντο τῷ Τιμολέοντι, καὶ Μάμερκοσ ὁ Κατάνησ τύραννοσ, πολεμιστὴσ ἀνὴρ καὶ χρήμασιν ἐρρωμένοσ, ἔδωκεν αὑτὸν εἰσ συμμαχίαν. τὸ δὲ μέγιστον, αὐτὸσ Διονύσιοσ ἀπειρηκὼσ ἤδη ταῖσ ἐλπίσι καὶ μικρὸν ἀπολείπων ἐκπολιορκεῖσθαι τοῦ μὲν Ἱκέτου κατεφρόνησεν αἰσχρῶσ ἡττημένου, τὸν δὲ Τιμολέοντα θαυμάζων ἔπεμψεν ἐκείνῳ καὶ Κορινθίοισ παραδιδοὺσ αὑτὸν καὶ τὴν ἀκρόπολιν.

δεξάμενοσ δ’ ὁ Τιμολέων τὴν ἀνέλπιστον εὐτυχίαν, ἀποστέλλει τοὺσ περὶ Εὐκλείδην καὶ Τηλέμαχον, ἄνδρασ Κορινθίουσ, εἰσ τὴν ἀκρόπολιν, καὶ στρατιώτασ τετρακοσίουσ, οὐχ ὁμοῦ πάντασ οὐδὲ φανερῶσ, ἀδύνατον γὰρ ἦν ἐφορμούν· τῶν πολεμίων, ἀλλὰ κρύφα καὶ κατ’ ὀλίγουσ παρεισπεσόντασ. οἱ μὲν οὖν στρατιῶται παρέλαβον τὴν ἀκρόπολιν καὶ τὰ τυραννεῖα μετὰ τῆσ παρασκευῆσ καὶ τῶν χρησίμων πρὸσ τὸν πόλεμον ἵπποι τε γὰρ ἐνῆσαν οὐκ ὀλίγοι καὶ πᾶσα μηχανημάτων ἰδέα καὶ βελῶν πλῆθοσ, ὅπλων δ’ ἀπέκειντο μυριάδεσ ἑπτὰ τεθησαυρισμένων ἐκ παλαιοῦ, στρατιῶται δὲ δισχίλιοι τῷ Διονυσίῳ παρῆσαν, οὓσ ἐκεῖνοσ, ὡσ τἆλλα, τῷ Τιμολέοντι παρέδωκεν, αὐτὸσ δὲ χρήματα λαβὼν καὶ τῶν φίλων οὐ πολλοὺσ ἔλαθεν ἐκπλεύσασ τὸν Ἱκέτην.

καὶ γὰρ υἱῶν ἐνηλίκων θανάτουσ καὶ θυγατέρων καταπορνεύσεισ παρθένων ἐπεῖδε, καὶ τὴν αὐτὴν ἀδελφὴν καὶ γυναῖκα ζῶσαν μὲν εἰσ τὸ σῶμα ταῖσ ἀσελγεστάταισ ὑπὸ τῶν πολεμίων ἡδοναῖσ παρανομηθεῖσαν, βίᾳ δ’ ἀποθανοῦσαν μετὰ τῶν τέκνων, καταποντισθεῖσαν εἰσ τὸ πέλαγοσ, ταῦτα μὲν οὖν ἐν τοῖσ περὶ Δίωνοσ ἀκριβῶσ γέγραπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Timoleon, chapter 13

(플루타르코스, Timoleon, chapter 13)

상위

목록

SEARCH

MENU NAVIGATION