호흡부호 보기
강세부호 보기
장단부호 보기
작은 Iota 보기
모든 부호 보기
τῆσ δὲ πράξεωσ διαβοηθείσησ οἱ μὲν κράτιστοι τῶν Κορινθίων ἐπῄνουν τὴν μισοπονηρίαν καὶ μεγαλοψυχίαν τοῦ Τιμολέοντοσ, ὅτι χρηστὸσ ὢν καὶ φιλοίκειοσ ὅμωσ τὴν πατρίδα τῆσ οἰκίασ καὶ τὸ καλὸν καὶ δίκαιον προετίμησε τοῦ συμφέροντοσ, ἀριστεύοντα μὲν ὑπὲρ τῆσ πατρίδοσ διασώσασ τὸν ἀδελφόν, ἐπιβουλεύσαντα δὲ αὐτῇ καὶ καταδουλωσάμενον ἀποκτείνασ. οἱ δὲ μὴ δυνάμενοι ζῆν ἐν τῇ δημοκρατίᾳ καὶ πρὸσ τοὺσ δυνάστασ ἀποβλέπειν εἰωθότεσ τῷ μὲν θανάτῳ τοῦ τυράννου προσεποιοῦντο χαίρειν, τὸν δὲ Τιμολέοντα λοιδοροῦντεσ ὡσ ἀσεβὲσ ἐξειργασμένον καὶ μυσῶδεσ ἔργον εἰσ ἀθυμίαν περιέστησαν.
ἐπεὶ δὲ καὶ τὴν μητέρα δυσφορεῖν πυθόμενοσ καὶ φωνάσ τε δεινὰσ καὶ κατάρασ ἐπ’ αὐτὸν ἀρᾶσθαι φρικώδεισ ἐβάδιζε παραμυθησόμενοσ, ἡ δὲ προσιδεῖν οὐχ ὑπέμεινε τὴν ὄψιν, ἀλλὰ τὴν οἰκίαν ἀπέκλεισε, τότε δὴ παντάπασι περίλυποσ γενόμενοσ καὶ συνταραχθεὶσ τὴν διάνοιαν ὡρ́μησε μὲν ὡσ διαφθερῶν ἑαυτὸν ἀπέχεσθαι τροφῆσ, τῶν δὲ φίλων οὐ περιϊδόντων, ἀλλὰ πᾶσαν δέησιν καὶ πᾶσαν ἀνάγκην προσενεγκαμένων ἔγνω ζῆν καθ’ ἑαυτὸν, ἐκ μέσου γενόμενοσ· καὶ πολιτείαν μὲν ἅπασαν ἀφῆκε, τοὺσ δὲ πρώτουσ χρόνουσ οὐδὲ κατιὼν εἰσ πόλιν, ἀλλ’ ἀδημονῶν καὶ πλανώμενοσ ἐν τοῖσ ἐρημοτάτοισ τῶν ἀγρῶν διέτριβεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기