헬라어 문장 검색 - Πλυταρ́ΦαβιυσΜ́22́

(플루타르코스, Fabius Maximus, chapter 22)

πραττομένων δὲ τούτων, ὁ Φάβιοσ περισπάσαι τὸν Ἀννίβαν τεχνάζων ἐπέστειλε τοῖσ ἐν Ῥηγίῳ στρατιώταισ τὴν Βρεττίαν καταδραμεῖν καὶ Καυλωνίαν ἐξελεῖν κατὰ κράτοσ στρατοπεδεύσαντασ, ὀκτακισχιλίουσ ὄντασ, αὐτομόλουσ δὲ τοὺσ πολλοὺσ καὶ τῶν ἐκ Σικελίασ ὑπὸ Μαρκέλλου κεκομισμένων ἀτίμων τοὺσ ἀχρηστοτάτουσ καὶ μετ’ ἐλαχίστησ τῇ πόλει λύπησ καὶ βλάβησ ἀπολουμένουσ. ἤλπιζε γὰρ τούτουσ προέμενοσ τῷ Ἀννίβᾳ καὶ δελεάσασ ἀπάξειν αὐτὸν ἀπὸ τοῦ Τάραντοσ·

ὃ καὶ συνέβαινεν. εὐθὺσ γὰρ ἐκεῖ διώκων ὁ Ἀννίβασ ἐρρύη μετὰ τῆσ δυνάμεωσ, ἡμέρᾳ δ’ ἕκτῃ τοὺσ Ταραντίνουσ τοῦ Φαβίου περιστρατοπεδεύσαντοσ, ὁ προδιειλεγμένοσ τῷ Βρεττίῳ μετὰ τῆσ ἀδελφῆσ νεανίσκοσ ἧκε νύκτωρ πρὸσ αὐτόν, εἰδὼσ ἀκριβῶσ καὶ καθεωρακὼσ τὸν τόπον ἐφ’ οὗ παραφυλάττων ὁ Βρέττιοσ ἔμελλεν ἐνδώσειν καὶ παρήσειν τοῖσ προσβάλλουσιν. οὐ μὴν ἁπλῶσ γε τῆσ προδοσίασ ἐξήρτησεν ὁ Φάβιοσ τὴν πρᾶξιν, ἀλλ’ αὐτὸσ μὲν ἐκεῖσε παρελθὼν ἡσυχίαν ἦγεν, ἡ δ’ ἄλλη στρατιὰ προσέβαλλε τοῖσ τείχεσιν ἔκ τε γῆσ καὶ θαλάττησ ἅμα, ποιοῦσα πολλὴν κραυγὴν καὶ θόρυβον, ἄχρι οὗ τῶν πλείστων Ταραντίνων ἐκεῖ βοηθούντων καὶ συμφερομένων τοῖσ τειχομαχοῦσιν ἐσήμηνε τῷ Φαβίῳ τὸν καιρὸν ὁ Βρέττιοσ, καὶ διὰ κλιμάκων ἀναβὰσ ἐκράτησε τῆσ πόλεωσ.

ἐνταῦθα μέντοι δοκεῖ φιλοτιμίασ ἥττων γενέσθαι·

τοὺσ γὰρ Βρεττίουσ πρώτουσ ἀποσφάττειν ἐκέλευσεν, ὡσ μὴ προδοσίᾳ τὴν πόλιν ἔχων φανερὸσ γένοιτο, καὶ ταύτησ τε διήμαρτε τῆσ δόξησ καὶ διαβολὴν ἀπιστίασ προσέλαβε καὶ ὠμότητοσ. ἀπέθανον δὲ πολλοὶ καὶ τῶν Ταραντίνων· οἱ δὲ πραθέντεσ ἐγένοντο τρισμύριοι, καὶ τὴν πόλιν ἡ στρατιὰ διήρπασεν ἀνηνέχθη δ’ εἰσ τὸ δημόσιον τρισχίλια τάλαντα, πάντων δὲ τῶν ἄλλων ἀγομένων καὶ φερομένων λέγεται τὸν γραμματέα πυθέσθαι τοῦ Φαβίου περὶ τῶν θεῶν τί κελεύει, τὰσ γραφὰσ οὕτω προσαγορεύσαντα καὶ τοὺσ ἀνδριάντασ· "ἀπολείπωμεν τοὺσ θεοὺσ Ταραντίνοισ κεχολωμένουσ.

οὐ μὴν ἀλλὰ τὸν κολοσσὸν τοῦ Ἡρακλέουσ μετακομίσασ ἐκ Τάραντοσ ἔστησεν ἐν Καπιτωλίῳ, καὶ πλησίον ἔφιππον εἰκόνα χαλκῆν ἑαυτοῦ, πολὺ Μαρκέλλου φανεὶσ ἀτοπώτεροσ περὶ ταῦτα, μᾶλλον δ’ ὅλωσ ἐκεῖνον ἄνδρα πρᾳότητι καὶ φιλανθρωπίᾳ θαυμαστὸν ἀποδείξασ, ὡσ ἐν τοῖσ περὶ ἐκείνου γέγραπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Fabius Maximus, chapter 22

(플루타르코스, Fabius Maximus, chapter 22)

상위

목록

SEARCH

MENU NAVIGATION