Plutarch, Fabius Maximus, chapter 16 2:

δευτέρῳ δὲ τῷ περὶ τὴν τάξιν ὃ γὰρ ἦν ἰσχυρότατον αὐτῷ καὶ μαχιμώτατον τῆσ δυνάμεωσ ἑκατέρωσε τοῦ μέσου τάξασ, τὸ μέσον αὐτὸ συνεπλήρωσεν ἐκ τῶν ἀχρειοτάτων, ἐμβόλῳ τούτῳ προέχοντι πολὺ τῆσ ἄλλησ φάλαγγοσ χρησόμενοσ· εἴρητο δὲ τοῖσ κρατίστοισ, ὅταν τούτουσ διακόψαντεσ οἱ Ῥωμαῖοι καὶ φερόμενοι πρόσ τὸ εἶκον ἐκφερομένου τοῦ μέσου καὶ κόλπον λαμβάνοντοσ ἐντὸσ γένωνται τῆσ φάλαγγοσ, ὀξέωσ ἑκατέρωθεν ἐπιστρέψαντασ ἐμβαλεῖν τε πλαγίοισ καὶ περιπτύσσειν ὄπισθεν συγκλείοντασ.