Plutarch, Fabius Maximus, chapter 9 1:

ἐπεὶ δ’ ὁ Φάβιοσ προσελθὼν ἀπολογεῖσθαι μὲν οὐδ’ ἐμέλλησε πρὸσ τὸν δήμαρχον, ἔφη δὲ τάχιστα τὰσ θυσίασ καὶ τὰσ ἱερουργίασ γενέσθαι, ὥστ’ ἐπὶ τὸ στράτευμα βαδιεῖσθαι τῷ Μινουκίῳ δίκην ἐπιθήσων, ὅτι κωλύσαντοσ αὐτοῦ τοῖσ πολεμίοισ συνέβαλε, θόρυβοσ διῇξε τοῦ δήμου πολὺσ, ὡσ κινδυνεύσοντοσ τοῦ Μινουκίου. καὶ γὰρ εἱρ͂ξαι τῷ δικτάτορι καὶ θανατῶσαι πρὸ δίκησ ἔξεστι καὶ τοῦ Φαβίου τὸν θυμὸν ἐκ πολλῆσ πρᾳότητοσ κεκινημένον ᾤοντο βαρὺν εἶναι καὶ δυσπαραίτητον.