헬라어 문장 검색 - Πλυταρ́ΦαβιυσΜ́07́

(플루타르코스, Fabius Maximus, chapter 7)

τῷ δὲ Φαβίῳ συνέβη μὲν ἔτι νυκτὸσ αἰσθέσθαι τὸν δόλον φεύγουσαι γὰρ ἔνιαι τῶν βοῶν σποράδεσ ἧκον αὐτῶν εἰσ χεῖρασ, ἐνέδρασ δὲ δεδιὼσ σκοταίουσ ἀτρέμα τὴν δύναμιν ἐν τοῖσ ὅπλοισ εἶχεν. ὡσ δ’ ἦν ἡμέρα, διώκων ἐξήπτετο τῶν ἐσχάτων, καὶ συμπλοκαὶ περὶ τὰσ δυσχωρίασ ἐγίνοντο καὶ θόρυβοσ ἦν πολύσ, ἑώσ παρ’ Ἀννίβου τῶν ὀρειβατεῖν δεινῶν Ἰβήρων ἄνδρεσ ἐλαφροὶ καὶ ποδώκεισ πεμφθέντεσ ἀπὸ τοῦ στόματοσ εἰσ βαρεῖσ ὁπλίτασ τοὺσ Ῥωμαίουσ ἐνέβαλον, καὶ διαφθείραντεσ οὐκ ὀλίγουσ ἀπέστρεψαν τὸν Φάβιον. τότε δὴ μάλιστα κακῶσ ἀκοῦσαι καὶ καταφρονηθῆναι συνέβη τὸν Φάβιον.

τῆσ γὰρ ἐν τοῖσ ὅπλοισ τόλμησ ὑφιέμενοσ, ὡσ γνώμῃ καὶ προνοίᾳ καταπολεμήσων τὸν Ἀννίβαν, αὐτὸσ ἡττημένοσ τούτοισ καὶ κατεστρατηγημένοσ ἐφαίνετο. βουλόμενοσ δὲ μᾶλλον ἐκκαῦσαι τὴν πρὸσ αὐτὸν ὀργὴν τῶν Ῥωμαίων ὁ Ἀννίβασ, ὡσ ἦλθεν ἐπὶ τοὺσ ἀγροὺσ αὐτοῦ, τὰ μὲν ἄλλα πάντα καίειν καὶ διαφθείρειν ἐκέλευσεν, ἐκείνων δ’ ἀπεῖπεν ἅπτεσθαι μόνων, καὶ παρακατέστησε φυλακὴν οὐδὲν ἐῶσαν ἀδικεῖν οὐδὲ λαμβάνειν ἐκεῖθεν. ταῦτα προσδιέβαλε τὸν Φάβιον εἰσ Ῥώμην ἀγγελθέντα·

καὶ πολλὰ μὲν αὐτοῦ πρὸσ τὸν ὄχλον οἱ δήμαρχοι κατεβόων, ἐπάγοντοσ μάλιστα Μετιλίου καὶ παροξύνοντοσ, οὐ κατὰ τὴν πρὸσ Φάβιον ἔχθραν, ἀλλ’ οἰκεῖοσ ὢν Μινουκίου τοῦ ἱππάρχου τιμὴν ᾤετο καὶ δόξαν ἐκείνῳ φέρειν τὰσ τούτου διαβολάσ· ἐγεγόνει δὲ καὶ τῇ βουλῇ δι’ ὀργῆσ οὐχ ἥκιστα μεμφομένῃ τὰσ περὶ τῶν αἰχμαλώτων πρὸσ Ἀννίβαν ὁμολογίασ, ὡμολογήκεισαν γὰρ αὑτοῖσ ἄνδρα μὲν ἀνδρὶ λύεσθαι τῶν ἁλισκομένων, εἰ δὲ πλείουσ οἱ ἕτεροι γένοιντο, διδόναι δραχμὰσ ὑπὲρ ἑκάστου τὸν κομιζόμενον πεντήκοντα καὶ διακοσίασ. ὡσ οὖν γενομένησ τῆσ κατ’ ἄνδρα διαμείψεωσ εὑρέθησαν ὑπόλοιποι Ῥωμαίων παρ’ Ἀννίβᾳ τεσσαράκοντα καὶ διακόσιοι, τούτων ἡ σύγκλητοσ ἔγνω τὰ λύτρα μὴ πέμπειν, καὶ προσῃτιᾶτο τὸν Φάβιον ὡσ οὐ πρεπόντωσ οὐδὲ λυσιτελῶσ ἄνδρασ ὑπὸ δειλίασ πολεμίων ἄγραν γενομένουσ ἀνακομιζόμενον.

ταῦτ’ ἀκούσασ ὁ Φάβιοσ τὴν μὲν ὀργὴν ἔφερε πρᾴωσ τῶν πολιτῶν, χρήματα δ’ οὐκ ἔχων, διαψεύσασθαι δὲ τὸν Ἀννίβαν καὶ προέσθαι τοὺσ πολίτασ οὐχ ὑπομένων, ἔπεμψε τὸν υἱὸν εἰσ Ῥώμην κελεύσασ ἀποδόσθαι τοὺσ ἀγροὺσ καὶ τὸ ἀργύριον εὐθὺσ ὡσ αὐτὸν ἐπὶ τὸ στρατόπεδον κομίζειν.

ἀποδομένου δὲ τοῦ νεανίσκου τὰ χωρία καὶ ταχέωσ ἐπανελθόντοσ ἀπέπεμψε τὰ λύτρα τῷ Ἀννίβᾳ καὶ τοὺσ αἰχμαλώτουσ ἀπέλαβε· καὶ πολλῶν ἀποδιδόντων ὕστερον παρ’ οὐδενὸσ ἔλαβεν, ἀλλ’ ἀφῆκε πᾶσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Fabius Maximus, chapter 7

(플루타르코스, Fabius Maximus, chapter 7)

상위

목록

SEARCH

MENU NAVIGATION