헬라어 문장 검색 - Πλυταρ́ΦαβιυσΜ́06́

(플루타르코스, Fabius Maximus, chapter 6)

μετὰ ταῦτα γίνεται διαμαρτία τὸν Ἀννίβου. βουλόμενοσ γὰρ ἀποσπάσαι τὸν Φαβίου πορρωτέρω τὸ στράτευμα καὶ πεδίων ἐπιλαβέσθαι προνομὰσ ἐχόντων, ἐκέλευσε τοὺσ ὁδηγοὺσ μετὰ δεῖπνον εὐθὺσ ἡγεῖσθαι πρὸσ τὸ Κασινάτον. οἱ δὲ τῆσ φωνῆσ διὰ βαρβαρισμὸν οὐκ ἐξακούσαντεσ ἀκριβῶσ, ἐμβάλλουσιν αὐτοῦ τὴν δύναμιν φέροντεσ εἰσ τὰ καταλήγοντα τῆσ Καμπανίασ εἰσ πόλιν Κασιλῖνον, ἣν τέμνει ῥέων διὰ μέσησ ποταμὸσ, ὃν Οὐουλτοῦρνον οἱ Ῥωμαῖοι καλοῦσιν. ἔστι δ’ ἡ χώρα τὰ μὲν ἄλλα περιστεφὴσ ὄρεσιν αὐλὼν δ’ ἀναπέπταται πρὸσ τὴν θάλατταν, ἔνθα τὰ ἕλη καταδίδωσι τοῦ ποταμοῦ περιχεομένου, καὶ θῖνασ ἄμμου βαθείασ ἔχει, καὶ τελευτᾷ πρὸσ αἰγιαλὸν κυματώδη καὶ δύσορμον.

ἐνταῦθα καταβαίνοντοσ τοῦ Ἀννίβου περιελθὼν ἐμπειρίᾳ τῶν ὁδῶν ὁ Φάβιοσ τὴν μὲν διέξοδον ὁπλίτασ τετρακισχιλίουσ ἐπιστήσασ ἐνέφραξε, τὸν δ’ ἄλλον στρατὸν ὑπὲρ τῶν ἄλλων ἄκρων ἐν καλῷ καθίσασ διὰ τῶν ἐλαφροτάτων καὶ προχειροτάτων ἐνέβαλε τοῖσ ἐσχάτοισ τῶν πολεμίων, καὶ συνετάραξεν ἅπαν τὸ στράτευμα, διέφθειρε δὲ περὶ ὀκτακοσίουσ. ἐκ τούτου βουλόμενοσ Ἀννίβασ ἀπαγαγεῖν τὸ στράτευμα, καὶ τὴν διαμαρτίαν τοῦ τόπου νοήσασ καὶ τὸν κίνδυνον, ἀνεσταύρωσε μὲν τοὺσ ὁδηγούσ, ἐκβιάζεσθαι δὲ τοὺσ πολεμίουσ καὶ προσμάχεσθαι τῶν ὑπερβολῶν ἐγκρατεῖσ ὄντασ ἀπεγίνωσκε.

δυσθύμωσ δὲ καὶ περιφόβωσ διακειμένων ἁπάντων, καὶ περιεστάναι σφᾶσ πανταχθεν ἀφύκτουσ ἡγουμένων ἀπορίασ, ἔγνω δολοῦν ἀπάτῃ τοὺσ πολεμίουσ, ἦν δὲ τοιόνδε. βοῦσ ὅσον δισχιλίασ ἐκ τῶν αἰχμαλώτων ἐκέλευσε συλλαβόντασ ἀναδῆσαι δᾷδα πρὸσ ἕκαστον κέρασ ἢ λύγων ἢ φρυγάνων αὐών φάκελον·

εἶτα νυκτὸσ, ὅταν ἀρθῇ σημεῖον, ἀνάψαντασ ἐλαύνειν ἐπὶ τὰσ ὑπερβολὰσ παρὰ τὰ στενὰ καὶ τὰσ φυλακὰσ τῶν πολεμίων, ἅμα δὲ ταῦτα παρεσκεύαζον οἷσ προσετέτακτο, καὶ τὸν ἄλλον αὐτὸσ ἀναστήσασ στρατὸν ἤδη σκότουσ ὄντοσ ἦγε σχολαίωσ. ἐπεὶ δὲ πυρούμενον τὸ κέρασ ἄχρι ῥίζησ διέδωκε τῇ σαρκὶ τὴν αἴσθησιν, καὶ πρὸσ τὸν πόνον διαφέρουσαι καὶ τινάσσουσαι τὰσ κεφαλὰσ ἀνεπίμπλαντο πολλῆσ ἀπ’ ἀλλήλων φλογόσ, οὐκ ἐνέμειναν τῇ τάξει τῆσ πορείασ, ἀλλ’ ἔκφοβοι καὶ περιαλγεῖσ οὖσαι δρόμῳ κατὰ τῶν ὀρῶν ἐφέροντο, λαμπόμεναι μὲν οὐρὰσ ἄκρασ καὶ μέτωπα, πολλὴν δὲ τῆσ ὕλησ, δι’ ἧσ ἔφευγον, ἀνάπτουσαι.

δεινὸν οὖν ἧσ θέαμα τοῖσ παραφυλάττουσι τὰσ ὑπερβολὰσ Ῥωμαίοισ·

καὶ γὰρ αἱ φλόγεσ ἐῴκεσαν ὑπ’ ἀνθρώπων θεόντων διαφερομέναισ λαμπάσι, καὶ θόρυβοσ ἧσ ἐν αὐτοῖσ πολὺσ καὶ φόβοσ, ἀλλαχόθεν ἄλλουσ ἐπιφέρεσθαι τῶν πολεμίων σφίσι καὶ κυκλοῦσθαι πανταχόθεν ἡγουμένων, διὸ μένειν οὐκ ἐτόλμων, ἀλλὰ πρὸσ τὸ μεῖζον ἀνεχώρουν στρατόπεδον προέμενοι τὰ στενά. καὶ κατὰ τοῦτο δὲ καιροῦ προσμίξαντεσ οἱ ψιλοὶ τοῦ Ἀννίβου τὰσ ὑπερβολὰσ κατέσχον, ἡ δ’ ἄλλη δύναμισ ἤδη προσέβαινεν ἀδεῶσ πολλὴν καὶ βαρεῖαν ἐφελκομένη λείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Fabius Maximus, chapter 6

(플루타르코스, Fabius Maximus, chapter 6)

상위

목록

SEARCH

MENU NAVIGATION