헬라어 문장 검색 - Πλυταρ́ΦαβιυσΜ́02́

(플루타르코스, Fabius Maximus, chapter 2)

πέντε δ’ ὑπατειῶν ἃσ ὑπάτευσεν, ἡ πρώτη τὸν ἀπὸ Λιγύων θρίαμβον ἔσχεν, ἡττηθέντεσ γὰρ ὑπ’ αὐτοῦ μάχῃ καὶ πολλοὺσ ἀποβαλόντεσ εἰσ τὰσ Ἄλπεισ ἀνεστάλησαν, καὶ τὴν πρόσοικον ἐπαύσαντο τῆσ Ἰταλίασ ληϊζόμενοι καὶ κακῶσ ποιοῦντεσ. ἐπεὶ δ’ Ἀννίβασ ἐμβαλὼν εἰσ Ἰταλίαν καὶ μάχῃ πρῶτον περὶ τὸν Τρεβίαν ποταμὸν ἐπικρατήσασ αὐτὸσ μὲν ἤλαυνε διὰ Τυρρηνίασ πορθῶν τὴν χώραν, ἔκπληξιν δὲ δεινὴν καὶ φόβον εἰσ τὴν Ῥώμην ἐνέβαλλε, σημεῖα δὲ τὰ μὲν συνήθη Ῥωμαίοισ ἀπὸ κεραυνῶν, τὰ δ’ ὅλωσ ἐξηλλαγμένα καὶ πολλὴν ἀτοπίαν ἔχοντα προσέπιπτε ;

τὸν μὲν ὕπατον Γάιον Φλαμίνιον οὐδὲν ἤμβλυνε τούτων, ἄνδρα πρὸσ τῷ φύσει θυμοειδεῖ καὶ φιλοτίμῳ μεγάλαισ ἐπαιρόμενον εὐτυχίαισ, ἃσ πρόσθεν εὐτύχησε παραλόγωσ, τῆσ τε βουλῆσ ἀπᾳδούσησ καὶ τοῦ συνάρχοντοσ ἐνισταμένου βίᾳ συμβαλὼν τοῖσ Γαλάταισ καὶ κρατήσασ, Φάβιον δὲ τὰ μὲν σημεῖα, καίπερ ἁπτόμενα πολλῶν, ἧττον ὑπέθραττε διὰ τὴν ἀλογίαν·

τὴν δ’ ὀλιγότητα τῶν πολεμίων καὶ τὴν ἀχρηματίαν πυνθανόμενοσ καρτερεῖν παρεκάλει τοὺσ Ῥωμαίουσ καὶ μὴ μάχεσθαι πρὸσ ἄνθρωπον ἐπ’ αὐτῷ τούτῳ διὰ πολλῶν ἀγώνων ἠσκημένῃ στρατιᾷ χρώμενον, ἀλλὰ τοῖσ συμμάχοισ ἐπιπέμποντασ βοηθείασ καὶ τὰσ πόλεισ διὰ χειρὸσ ἔχοντασ αὐτὴν ἐᾶν περὶ αὑτῇ μαραίνεσθαι τὴν ἀκμὴν τοῦ Ἀννίβου, καθάπερ φλόγα λάμψασαν ἀπὸ μικρᾶσ καὶ κούφησ δυνάμεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Fabius Maximus, chapter 2

(플루타르코스, Fabius Maximus, chapter 2)

상위

목록

SEARCH

MENU NAVIGATION