헬라어 문장 검색 - Πλυταρ́Διον́58́

(플루타르코스, Dion, chapter 58)

ἐν ἀρχῇ μὲν γὰρ ἀποκτείνασ τὸν Δίωνα λαμπρὸσ ἦν καί κατεῖχε τὰσ Συρακούσασ· καί πρὸσ τὴν Ἀθηναίων ἔγραφε πόλιν, ἣν μάλιστα μετὰ τοὺσ θεοὺσ ὤφειλεν αἰδεῖσθαι καί δεδιέναι τηλικούτου μύσουσ ἁψάμενοσ. ἀλλ’ ἐοίκεν ἀληθῶσ λέγεσθαι τὸ τὴν πόλιν ἐκείνην φέρειν ἄνδρασ ἀρετῇ τε τοὺσ ἀγαθοὺσ ἀρίστουσ καὶ κακίᾳ τοὺσ φαύλουσ πονηροτάτουσ, καθάπερ αὐτῶν καί ἡ χώρα κάλλιστον μέλι καί κώνειον ὠκυμορώτατον ἀναδίδωσιν. οὐ μὴν πολὺν χρόνον ὁ Κάλλιπποσ ἔγκλημα τῆσ τύχησ καί τῶν θεῶν περιῆν, ὡσ περιορώντων ἐξ ἀσεβήματοσ ἄνθρωπον τηλικούτου κτώμενον ἡγεμονίασ καί πράγματα·

ταχὺ δ’ ἀξίαν δίκην ἔδωκεν. ὁρμήσασ μὲν γὰρ Κατάνην λαβεῖν, εὐθὺσ ἀπέβαλε τὰσ Συρακούσασ ὅτε καί φασιν αὐτὸν εἰπεῖν ὅτι πόλιν ἀπολωλεκὼσ τυρόκνηστιν εἴληφεν. ἐπιθέμενοσ δὲ Μεσσηνίοισ καί τοὺσ πλείστουσ στρατιώτασ ἀπολέσασ, ἐν οἷσ ἦσαν οἱ Δίωνα κατακτείναντεσ, οὐδεμιᾶσ δὲ πόλεωσ αὐτὸν ἐν Σικελίᾳ προσδεχομένησ, ἀλλὰ μισούντων ἁπάντων καί προβαλλομένων, Ῥήγιον κατέσχεν.

ἐκεῖ δὲ λυπρῶσ πράττων καί κακῶσ διατρέφων τοὺσ μισθοφόρουσ, ὑπὸ Λεπτίνου καί Πολυπέρχοντοσ ἀνῃρέθη, χρησαμένων ξιφιδίῳ κατὰ τύχην ᾧ καί Δίωνα πληγῆναί φασιν. ἐγνώσθη δὲ τῷ μεγέθει βραχὺ γὰρ ἦν, ὥσπερ τὰ Λακωνικά καί τῇ κατασκευῇ τῆσ τέχνησ, εἰργασμένον γλαφυρῶσ καί περιττῶσ. τοιαύτην μὲν οὖν τίσιν Κάλλιπποσ ἔδωκε.

τὴν δ’ Ἀριστομάχην καί τὴν Ἀρετήν, ὡσ ἀφείθησαν ἐκ τῆσ εἱρκτῆσ, ἀναλαβὼν Ἱκέτησ ὁ Συρακούσιοσ, εἷσ τῶν Δίωνοσ φίλων γεγονώσ, ἐδόκει πιστῶσ καί καλῶσ περιέπειν. εἶτα συμπεισθεὶσ ὑπὸ τῶν Δίωνοσ ἐχθρῶν καί παρασκευάσασ πλοῖον αὐταῖσ, ὡσ εἷσ Πελοπόννησον ἀποσταλησομέναισ, ἐκέλευσε κατὰ πλοῦν ἀποσφάξαντασ ἐκβαλεῖν εἷσ τὴν θάλασσαν. οἱ δὲ ζώσασ ἔτι καταποντισθῆναι λέγουσι, καί τὸ παιδίον μετ’ αὐτῶν.

περιῆλθε δὲ καί τοῦτον ἀξία ποινὴ τῶν τετολμημένων, αὐτόσ τε γὰρ ὑπὸ Τιμολέοντοσ ἁλοὺσ ἀπέθανε, καί θυγατέρασ δύο προσαπέκτειναν αὐτοῦ Δίωνι τιμωροῦντεσ οἱ Συρακούσιοι, περὶ ὧν ἐν τῷ Τιμολέοντοσ βίῳ καθ’ ἕκαστα γέγραπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 58

(플루타르코스, Dion, chapter 58)

상위

목록

SEARCH

MENU NAVIGATION