호흡부호 보기
강세부호 보기
장단부호 보기
작은 Iota 보기
모든 부호 보기
Φάρακοσ δὲ πρὸσ Νέᾳ πόλει τῆσ Ἀκραγαντίνησ στρατοπεδεύοντοσ, ἐξαγαγὼν τοὺσ Συρακουσίουσ ἐβούλετο μὲν ἐν ἑτέρῳ καιρῷ διαγωνίσασθαι πρὸσ αὐτόν, Ἡρακλείδου δὲ καὶ τῶν ναυτῶν καταβοώντων ὡσ οὐ βούλεται μάχῃ κρῖναι τὸν πόλεμον Δίων, ἀλλ’ ἀεὶ μένοντοσ ἄρχειν, ἀναγκασθεὶσ συνέβαλε καὶ ἡττήθη. γενομένησ δὲ τῆσ τροπῆσ οὐ βαρείασ, ἀλλὰ μᾶλλον ὑφ’ ἑαυτῶν καὶ τοῦ στασιάζειν ταραχθέντων, αὖθισ ὁ Δίων παρεσκευάζετο μάχεσθαι καὶ συνέταττε πείθων καὶ παραθαρρύνων.
τῆσ δὲ νυκτὸσ ἀρχομένησ ἀγγέλλεται πρὸσ αὐτὸν Ἡρακλείδην ἄραντα τὸν στόλον πλεῖν ἐπὶ Συρακουσῶν, ἐγνωκότα τὴν πόλιν καταλαβεῖν κἀκεῖνον ἀποκλεῖσαι μετὰ τοῦ στρατεύματοσ, εὐθὺσ οὖν ἀναλαβὼν τοὺσ δυνατωτάτουσ καὶ προθυμοτάτουσ ἱππάσατο διὰ τῆσ νυκτόσ· καὶ περὶ τρίτην ὡρ́αν τῆσ ἡμέρασ πρὸσ ταῖσ πύλαισ ἦν, σταδίουσ κατηνυκὼσ ἑπτακοσίουσ.
Ἡρακλείδησ δὲ ταῖσ ναυσὶν, ὡσ ἁμιλλώμενοσ ὑστέρησεν, ἀποπλεύσασ καὶ πλανώμενοσ ἐν ταῖσ πράξεσιν ἀσκόπωσ ἐπιτυγχάνει Γαισύλῳ τῷ Σπαρτιάτῃ, φάσκοντι πλεῖν ἐφ’ ἡγεμονίᾳ Σικελιωτῶν ἐκ Λακεδαίμονοσ, ὡσ πρότερόν ποτε Γύλιπποσ. ἄσμενοσ οὖν ἀναλαβὼν τοῦτον τὸν ἄνδρα καὶ περιαψάμενοσ ὥσπερ ἀλεξιφάρμακον τοῦ Δίωνοσ ἐπεδείκνυτο τοῖσ συμμάχοισ·
καὶ κήρυκα πέμπων εἰσ τὰσ Συρακούσασ ἐκέλευε δέχεσθαι τὸν Σπαρτιάτην ἄρχοντα τοὺσ πολίτασ. κατὰ ποίησιν γεγονὼσ Σπαρτιάτησ, τὴν μὲν ἀρχὴν ὁ Γαίσυλοσ ἀπέγνω, πλεύσασ δὲ πρὸσ τὸν Δίωνα διήλλαξε τὸν Ἡρακλείδην ὁρ́κουσ δόντα καὶ πίστεισ τὰσ μεγίστασ, αἷσ αὐτὸσ ὁ Γαισύλοσ ὤμοσε τιμωρὸσ ἔσεσθαι Δίωνι καὶ κολαστὴσ Ἡρακλείδου κακοπραγμονοῦντοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기