헬라어 문장 검색 - Πλυταρ́Διον́49́

(플루타르코스, Dion, chapter 49)

Φάρακοσ δὲ πρὸσ Νέᾳ πόλει τῆσ Ἀκραγαντίνησ στρατοπεδεύοντοσ, ἐξαγαγὼν τοὺσ Συρακουσίουσ ἐβούλετο μὲν ἐν ἑτέρῳ καιρῷ διαγωνίσασθαι πρὸσ αὐτόν, Ἡρακλείδου δὲ καὶ τῶν ναυτῶν καταβοώντων ὡσ οὐ βούλεται μάχῃ κρῖναι τὸν πόλεμον Δίων, ἀλλ’ ἀεὶ μένοντοσ ἄρχειν, ἀναγκασθεὶσ συνέβαλε καὶ ἡττήθη. γενομένησ δὲ τῆσ τροπῆσ οὐ βαρείασ, ἀλλὰ μᾶλλον ὑφ’ ἑαυτῶν καὶ τοῦ στασιάζειν ταραχθέντων, αὖθισ ὁ Δίων παρεσκευάζετο μάχεσθαι καὶ συνέταττε πείθων καὶ παραθαρρύνων.

τῆσ δὲ νυκτὸσ ἀρχομένησ ἀγγέλλεται πρὸσ αὐτὸν Ἡρακλείδην ἄραντα τὸν στόλον πλεῖν ἐπὶ Συρακουσῶν, ἐγνωκότα τὴν πόλιν καταλαβεῖν κἀκεῖνον ἀποκλεῖσαι μετὰ τοῦ στρατεύματοσ, εὐθὺσ οὖν ἀναλαβὼν τοὺσ δυνατωτάτουσ καὶ προθυμοτάτουσ ἱππάσατο διὰ τῆσ νυκτόσ· καὶ περὶ τρίτην ὡρ́αν τῆσ ἡμέρασ πρὸσ ταῖσ πύλαισ ἦν, σταδίουσ κατηνυκὼσ ἑπτακοσίουσ.

Ἡρακλείδησ δὲ ταῖσ ναυσὶν, ὡσ ἁμιλλώμενοσ ὑστέρησεν, ἀποπλεύσασ καὶ πλανώμενοσ ἐν ταῖσ πράξεσιν ἀσκόπωσ ἐπιτυγχάνει Γαισύλῳ τῷ Σπαρτιάτῃ, φάσκοντι πλεῖν ἐφ’ ἡγεμονίᾳ Σικελιωτῶν ἐκ Λακεδαίμονοσ, ὡσ πρότερόν ποτε Γύλιπποσ. ἄσμενοσ οὖν ἀναλαβὼν τοῦτον τὸν ἄνδρα καὶ περιαψάμενοσ ὥσπερ ἀλεξιφάρμακον τοῦ Δίωνοσ ἐπεδείκνυτο τοῖσ συμμάχοισ·

καὶ κήρυκα πέμπων εἰσ τὰσ Συρακούσασ ἐκέλευε δέχεσθαι τὸν Σπαρτιάτην ἄρχοντα τοὺσ πολίτασ. κατὰ ποίησιν γεγονὼσ Σπαρτιάτησ, τὴν μὲν ἀρχὴν ὁ Γαίσυλοσ ἀπέγνω, πλεύσασ δὲ πρὸσ τὸν Δίωνα διήλλαξε τὸν Ἡρακλείδην ὁρ́κουσ δόντα καὶ πίστεισ τὰσ μεγίστασ, αἷσ αὐτὸσ ὁ Γαισύλοσ ὤμοσε τιμωρὸσ ἔσεσθαι Δίωνι καὶ κολαστὴσ Ἡρακλείδου κακοπραγμονοῦντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 49

(플루타르코스, Dion, chapter 49)

상위

목록

SEARCH

MENU NAVIGATION