헬라어 문장 검색 - Πλυταρ́Διον́48́

(플루타르코스, Dion, chapter 48)

τοιούτοισ χρησάμενοσ λογισμοῖσ ὁ Δίων ἀφῆκε τοὺσ περὶ τὸν Ἡρακλείδην. τραπόμενοσ δὲ πρὸσ τὸ διατείχισμα, τῶν μὲν Συρακουσίων ἕκαστον ἐκέλευσεν ἕνα κόψαντα σταυρὸν ἐγγὺσ καταβάλλειν, τοὺσ δὲ ξένουσ ἐπιστήσασ διὰ νυκτόσ, ἀναπαυομένων τῶν Συρακουσίων, ἔλαθεν ἀποσταυρώσασ τὴν ἀκρόπολιν, ὥστε μεθ’ ἡμέραν τὸ τάχοσ καὶ τὴν ἐργασίαν θεασαμένουσ ὁμοίωσ θαυμάζειν τοὺσ πολίτασ καὶ τοὺσ πολεμίουσ, θάψασ δὲ τοὺσ τεθνηκότασ τῶν Συρακουσίων καὶ λυσάμενοσ τοὺσ ἑαλωκότασ, δισχιλίων οὐκ ἐλάττονασ ὄντασ, ἐκκλησίαν συνήγαγε, καὶ παρελθὼν Ἡρακλείδησ εἰσηγήσατο γνώμην αὐτοκράτορα στρατηγὸν ἑλέσθαι Δίωνα κατὰ γῆν καὶ θάλασσαν. ἀποδεξαμένων δὲ τῶν ἀρίστων καὶ χειροτονεῖν κελευόντων ἐθορύβησεν ὁ ναυτικὸσ ὄχλοσ καὶ βάναυσοσ, ἀχθόμενοσ ἐκπίπτοντι τῆσ ναυαρχίασ τῷ Ἡρακλείδῃ, καὶ νομίζων αὐτόν, εἰ καὶ τἆλλα μηδενὸσ ἄξιόσ ἐστι, δημοτικώτερόν γε πάντωσ εἶναι τοῦ Δίωνοσ καὶ μᾶλλον ὑπὸ χεῖρα τοῖσ πολλοῖσ.

ὁ δὲ Δίων τοῦτο μὲν ἐφῆκεν αὐτοῖσ καὶ τὴν κατὰ θάλατταν ἀρχὴν ἀπέδωκε τῷ Ἡρακλείδῃ, πρὸσ δὲ τῆσ γῆσ καὶ τῶν οἰκιῶν τὸν ἀναδασμὸν ὡρμημένοισ ἐναντιωθείσ καὶ τὰ πρότερον ψηφισθέντα περὶ τούτων ἀκυρώσασ ἐλύπησεν.

ὅθεν εὐθὺσ ἑτέραν ἀρχὴν λαβὼν ὁ Ἡρακλείδησ τοὺσ συνεκπλεύσαντασ μετ’ αὐτοῦ στρατιώτασ καὶ ναύτασ ἐν Μεσσήνῃ καθήμενοσ ἐδημαγώγει καὶ παρώξυνε κατὰ τοῦ Δίωνοσ ὡσ τυραννεῖν μέλλοντοσ· αὐτὸσ δὲ πρὸσ Διονύσιον ἐποιεῖτο συνθήκασ κρύφα διὰ Φάρακοσ τοῦ Σπαρτιάτου. καὶ τοῦτο τῶν γνωριμωτάτων Συρακουσίων ὑπονοησάντων, στάσισ ἦν ἐν τῷ στρατοπέδῳ καὶ δι’ αὐτὴν ἀπορία καὶ σπάνισ ἐν ταῖσ Συρακούσαισ, ὥστε παντάπασιν ἀμηχανεῖν τὸν Δίωνα καὶ κακῶσ ἀκούειν ὑπὸ τῶν φίλων οὕτω δυσμεταχείριστον ἄνθρωπον καὶ διεφθαρμένον ὑπὸ φθόνου καὶ πονηρίασ αὐξήσαντα καθ’ αὑτοῦ τὸν Ἡρακλείδην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 48

(플루타르코스, Dion, chapter 48)

상위

목록

SEARCH

MENU NAVIGATION