헬라어 문장 검색 - Πλυταρ́Διον́47́

(플루타르코스, Dion, chapter 47)

ἡμέρα δ’ ὡσ ἦν, τῶν μὲν ἄλλων οὐδεὶσ ὑπέμεινε δημαγωγῶν, ἀλλὰ καταγνόντεσ ἑαυτῶν ἔφυγον, Ἡρακλείδησ δὲ καὶ Θεοδότησ αὐτοὶ κομίσαντεσ ἑαυτοὺσ τῷ Δίωνι παρέδωκαν, ἀδικεῖν ὁμολογοῦντεσ καὶ δεόμενοι βελτίονοσ ἐκείνου τυχεῖν γεγόνασιν αὐτοὶ περὶ ἐκεῖνον πρέπειν δὲ Δίωνι τήν ἄλλην ἅπασαν ἀρετὴν ἀσύγκριτον ἔχοντι καὶ πρὸσ ὀργὴν κρείττονι φανῆναι τῶν ἠγνωμονηκότων, οἳ περὶ οὗ πρότερον ἐστασίασαν πρὸσ αὐτόν νῦν ἥκουσιν ἡττᾶσθαι τῆσ ἀρετῆσ ὁμολογοῦντεσ. ταῦτα τῶν περὶ τὸν Ἡρακλείδην δεομένων οἱ μὲν φίλοι παρεκελεύοντο τῷ Δίωνι μὴ φείδεσθαι κακῶν καὶ βασκάνων ἀνθρώπων, ἀλλὰ καὶ τοῖσ στρατιώταισ χαρίσασθαι τὸν Ἡρακλείδην καὶ τοῦ πολιτεύματοσ ἐξελεῖν δημοκοπίαν, ἐπιμανὲσ νόσημα, τυραννίδοσ οὐκ ἔλαττον.

ὁ δὲ Δίων παραμυθούμενοσ αὐτοὺσ ἔλεγεν ὡσ τοῖσ μὲν ἄλλοισ στρατηγοῖσ πρὸσ ὅπλα καὶ πόλεμον ἡ πλείστη τῆσ ἀσκήσεώσ ἐστιν, αὐτῷ δὲ πολὺν χρόνον ἐν Ἀκαδημείᾳ μεμελέτηται θυμοῦ περιεῖναι καὶ φθόνου καὶ φιλονεικίασ πάσησ· ὧν ἐπίδειξίσ ἐστιν οὐχ ἡ πρὸσ φίλουσ καὶ χρηστοὺσ μετριότησ, ἀλλ’ εἴ τισ ἀδικούμενοσ εὐπαραίτητοσ εἰή καὶ πρᾷοσ τοῖσ ἁμαρτάνουσι· βούλεσθαι δ’ Ἡρακλείδου μὴ τοσοῦτον δυνάμει καὶ φρονήσει κρατῶν ὅσον χρηστότητι καὶ δικαιοσύνῃ φανῆναι·

τὸ γὰρ ἀληθῶσ βέλτιον ἐν τούτοισ· αἱ δὲ τοῦ πολέμου κατορθώσεισ, εἰ καὶ ἀνθρώπων μηδένα, τήν γε τύχην διαμφισβητοῦσαν ἔχουσιν. εἰ δ’ Ἡρακλείδησ ἄπιστοσ καὶ κακὸσ διὰ φθόνον, οὔ τοι καὶ Δίωνα δεῖν θυμῷ διαφθεῖραι τήν ἀρετήν· ἀνθρώπου δὲ κακίαν, εἰ καὶ χαλεπόν ἐστιν, οὐχ οὕτωσ ἄγριον εἶναι παντάπασι καὶ δύσκολον ὥστε μὴ μεταβάλλειν χάριτι νικηθεῖσαν ὑπὸ τῶν πολλάκισ εὖ ποιούντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Dion, chapter 47

(플루타르코스, Dion, chapter 47)

상위

목록

SEARCH

MENU NAVIGATION