헬라어 문장 검색 - Πλυταρ́Διον́45́

(플루타르코스, Dion, chapter 45)

τοῦτο τὸ πάθοσ μάλιστα τὴν πόλιν ἀνέῳξε Δίωνι πάντων συμφωνησάντων. ἔτυχε μὲν γὰρ οὐκέτι σπουδῇ πορευόμενοσ, ὡσ ἤκουσεν εἰσ τὴν ἀκρόπολιν κατακεκλεῖσθαι τοὺσ πολεμίουσ. προϊούσησ δὲ τῆσ ἡμέρασ πρῶτον ἱππεῖσ ἀπήντησαν αὐτῷ τὴν δευτέραν κατάληψιν ἀπαγγέλλοντεσ· ἔπειτα καὶ τῶν ὑπεναντιουμένων ἔνιοι παρῆσαν ἐπείγεσθαι δεόμενοι. συντείνοντοσ δὲ τοῦ κακοῦ μᾶλλον Ἡρακλείδησ τὸν ἀδελφὸν ἐξέπεμψεν, εἶτα Θεοδότην τὸν θεῖον, ἱκετεύων ἀρήγειν, ὡσ μηδενὸσ ἀντέχοντοσ τοῖσ πολεμίοισ, αὐτοῦ δὲ τετρωμένου, τῆσ δὲ πόλεωσ μικρὸν ἀπεχούσησ ἀνατετράφθαι καὶ καταπεπρῆσθαι.

τοιούτων ἀγγελμάτων τῷ Δίωνι προσπεσόντων ἔτι μὲν ἑξήκοντα σταδίουσ τῶν πυλῶν ἀπεῖχε· φράσασ δὲ τὸν κίνδυνον τοῖσ ξένοισ καὶ παρακελευσάμενοσ οὐκέτι βάδην ἦγεν, ἀλλὰ δρόμῳ τὸ στράτευμα πρὸσ τὴν πόλιν, ἄλλων ἐπ’ ἄλλοισ ἀντιαζόντων καὶ δεομένων ἐπείγεσθαι. χρησάμενοσ δὲ θαυμαστῷ τάχει καὶ προθυμίᾳ τῶν ξένων εἰσέβαλε διὰ τῶν πυλῶν εἰσ τὴν Ἑκατόμπεδον λεγομένην καὶ τοὺσ μὲν ἐλαφροὺσ εὐθὺσ ἀφῆκεν ἐλθεῖν πρὸσ τοὺσ πολεμίουσ, ὡσ ἰδοῦσι θαρσῆσαι τοῖσ Συρακουσίοισ ἐγγένοιτο, τοὺσ δ’ ὁπλίτασ αὐτὸσ συνέταττε καὶ τῶν πολιτῶν τοὺσ ἐπιρρέοντασ καὶ συνισταμένουσ, ὀρθίουσ λόχουσ ποιῶν καὶ διαιρῶν τὰσ ἡγεμονίασ, ὅπωσ πολλαχόθεν ἅμα προσφέροιτο φοβερώτερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 45

(플루타르코스, Dion, chapter 45)

상위

목록

SEARCH

MENU NAVIGATION