헬라어 문장 검색 - Πλυταρ́Διον́44́

(플루타르코스, Dion, chapter 44)

ἐν δὲ ταῖσ Συρακούσαισ τῶν Διονυσίου στρατηγῶν, ἄχρι μὲν ἦν ἡμέρα, πολλὰ κακὰ τὴν πόλιν ἐργασαμένων, γενομένησ δὲ νυκτὸσ ἀναχωρησάντων εἰσ τὴν ἀκρόπολιν καί τινασ ἐξ ἑαυτῶν ὀλίγουσ ἀποβαλόντων, ἀναθαρρήσαντεσ οἱ δημαγωγοὶ τῶν Συρακουσίων, καί τοὺσ πολεμίουσ ἐλπίσαντεσ ἀτρεμήσειν ἐπὶ τοῖσ διαπεπραγμένοισ, παρεκάλουν τοὺσ πολίτασ αὖθισ ἐᾶν Δίωνα, κἂν προσίῃ μετὰ τῶν ξένων, μὴ δέχεσθαι μηδὲ παραχωρεῖν τῆσ ἀρετῆσ ἐκείνοισ ὡσ κρείττοσιν, ἀλλὰ σῴζειν τὴν πόλιν καί τὴν ἐλευθερίαν αὐτοὺσ δι’ ἑαυτῶν. πάλιν οὖν ἐπέμποντο πρὸσ τὸν Δίωνα, παρὰ μὲν τῶν στρατηγῶν ἀποτρέποντεσ, παρὰ δὲ τῶν ἱππέων καί τῶν γνωρίμων πολιτῶν ἐπισπεύδοντεσ τὴν πορείαν.

καί διὰ τοῦτο βραδέωσ ἅμα καί κατὰ σπουδὴν πορευόμενοσ προσῄει. τῆσ δὲ νυκτὸσ προελθούσησ οἱ μὲν μισοῦντεσ τὸν Δίωνα κατεῖχον τὰσ πύλασ ὡσ ἀποκλείσοντεσ αὐτόν, ὁ δὲ Νύψιοσ, ἐκ τῆσ ἄκρασ αὖθισ πολλῷ προθυμοτέρουσ γεγονότασ καί πλείονασ ἐφιεὶσ τοὺσ μισθοφόρουσ, τὸ μὲν προτείχισμα πᾶν εὐθὺσ κατέσκαπτε, τὴν δὲ πόλιν κατέτρεχε καί διήρπαζεν. ἦν δὲ φόνοσ μὲν οὐκέτι μόνον ἀνδρῶν, ἀλλὰ καί γυναικῶν καὶ παίδων, ἁρπαγαὶ δ’ ὀλίγαι, φθόροσ δὲ πάντων πολύσ, ἀπεγνωκότοσ γὰρ ἤδη τὰ πράγματα τὸν Διονυσίου καί τοὺσ Συρακουσίουσ δεινῶσ μεμισηκότοσ, ὥσπερ ἐνταφιάσαι τὴν τυραννίδα τῇ πόλει πίπτουσαν ἐβούλετο.

καί τοῦ Δίωνοσ προκαταλαμβάνοντεσ τὴν βοήθειαν ἐπὶ τὸν ὀξύτατον διὰ πυρὸσ πάντων ὄλεθρον καί ἀφανισμὸν ἐχώρησαν, τὰ μὲν ἐγγὺσ ἀπὸ χειρῶν δᾳσὶ καί λαμπάσιν ὑποπιμπράντεσ, εἰσ δὲ τὰ πρόσω διασπείροντεσ ἀπὸ τόξων πυροβόλουσ. φευγόντων δὲ τῶν Συρακουσίων οἱ μὲν ἐν ταῖσ ὁδοῖσ ἐφονεύοντο καταλαμβανόμενοι, τὸ δὲ εἰσ τὰσ οἰκίασ καταδυόμενον αὖθισ ὑπὸ τοῦ πυρὸσ ἐξέπιπτε, πολλῶν ἤδη φλεγομένων καί καταφερομένων ἐπὶ τοὺσ διαθέοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 44

(플루타르코스, Dion, chapter 44)

상위

목록

SEARCH

MENU NAVIGATION