Plutarch, Dion, chapter 37

(플루타르코스, Dion, chapter 37)

μετὰ δὲ τὴν Φιλίστου τελευτὴν Διονύσιοσ ἔπεμπε πρὸσ Δίωνα τὴν μὲν ἀκρόπολιν ἐκείνῳ παραδιδοὺσ καὶ τὰ ὅπλα καὶ τοὺσ μισθοφόρουσ καὶ πέντε μηνῶν ἐντελῆ τούτοισ μισθόν, αὐτὸσ δὲ ἀξιῶν ὑπόσπονδοσ εἰσ Ἰταλίαν ἀπελθεῖν κἀκεῖ κατοικῶν καρποῦσθαι τῆσ Συρακουσίασ τὸν καλούμενον Γύαρτα, πολλὴν καὶ ἀγαθὴν χώραν ἀνήκουσαν ἀπὸ θαλάττησ εἰσ τὴν μεσόγειον. οὐ προσδεξαμένου δὲ τοῦ Δίωνοσ, ἀλλὰ δεῖσθαι τῶν Συρακουσίων κελεύσαντοσ, οἱ μὲν Συρακούσιοι ζῶντα λήψεσθαι τὸν Διονύσιον ἐλπίσαντεσ ἀπήλασαν τοὺσ πρέσβεισ, ἐκεῖνοσ δὲ τὴν μὲν ἄκραν Ἀπολλοκράτει, τῷ πρεσβυτέρῳ τῶν παίδων, παρέδωκεν, αὐτὸσ δὲ πνεῦμα τηρήσασ ἐπίφορον καὶ τὰ τιμιώτατα τῶν σωμάτων καὶ τῶν χρημάτων ἐνθέμενοσ εἰσ τὰσ ναῦσ λαθὼν τὸν ναύαρχον Ἡρακλείδην ἐξέπλευσεν.

ὁ δὲ κακῶσ ἀκούων καὶ θορυβούμενοσ ὑπὸ τῶν πολιτῶν Ἵππωνά τινα τῶν δημαγωγῶν καθίησι προκαλεῖσθαι τὸν δῆμον ἐπὶ γῆσ ἀναδασμόν, ὡσ ἐλευθερίασ ἀρχὴν οὖσαν τὴν ἰσότητα, δουλείασ δὲ τὴν πενίαν τοῖσ ἀκτήμοσι.

συνηγορῶν δὲ τούτῳ καὶ τὸν Δίωνα καταστασιάζων ἐναντιούμενον ἔπεισε τοὺσ Συρακουσίουσ ταῦτά ψηφίσασθαι καὶ τῶν ξένων τὸν μισθὸν ἀποστερεῖν καὶ στρατηγοὺσ ἑτέρουσ ἑλέσθαι, τῆσ ἐκείνου βαρύτητοσ ἀπαλλαγέντασ. οἱ δ’, ὥσπερ ἐκ μακρᾶσ ἀρρωστίασ τῆσ τυραννίδοσ εὐθὺσ ἐπιχειροῦντεσ ἐξανίστασθαι, καὶ πράττειν τὰ τῶν αὐτονομουμένων παρὰ καιρόν, ἐσφάλλοντο μὲν αὐτοὶ ταῖσ πράξεσιν, ἐμίσουν δὲ τὸν Δίωνα βουλόμενον ὥσπερ ἰατρὸν ἐν ἀκριβεῖ καὶ σωφρονούσῃ διαίτῃ κατασχεῖν τὴν πόλιν.

SEARCH

MENU NAVIGATION