헬라어 문장 검색 - Πλυταρ́Διον́30́

(플루타르코스, Dion, chapter 30)

Διονύσιοσ δὲ πρῶτον ἰδίᾳ πρὸσ Δίωνα πρέσβεισ ἔπεμπεν ἀποπειρώμενοσ· ἔπειτα κελεύσαντοσ ἐκείνου διαλέγεσθαι κοινῇ Συρακουσίοισ ὡσ ἐλευθέροισ οὖσιν, ἐγένοντο λόγοι διὰ τῶν πρέσβεων παρὰ τοῦ τυράννου φιλάνθρωποι, φόρων ὑπισχνουμένου μετριότητα καὶ ῥᾳστώνην στρατειῶν, ὧν ἂν αὐτοὶ σύμψηφοι γένωνται. ταῦτα ἐχλεύαζον οἱ Συρακούσιοι.

Δίων δ’ ἀπεκρίνατο τοῖσ πρέσβεσι μὴ διαλέγεσθαι πρὸσ αὐτοὺσ Διονύσιον, εἰ μὴ τὴν ἀρχὴν ἀφίησιν ἀφέντι δὲ συμπράξειν ἄδειαν αὐτόσ, κἂν ἄλλο τι τῶν μετρίων δύνηται, μεμνημένοσ τῆσ οἰκειότητοσ. ταῦτα Διονύσιοσ ἐπῄνει, καὶ πάλιν ἔπεμπε πρέσβεισ κελεύων ἥκειν τινὰσ εἰσ τὴν ἀκρόπολιν τῶν Συρακουσίων, οἷσ τὰ μὲν πείθων, τὰ δὲ πειθόμενοσ διαλέξεται περὶ τῶν κοινῇ συμφερόντων, ἐπέμφθησαν οὖν ἄνδρεσ πρὸσ αὐτὸν οὓσ Δίων ἐδοκίμασε. καὶ λόγοσ πολὺσ ἐκ τῆσ ἄκρασ εἰσ τούσ Συρακουσίουσ κατῄει Διονύσιον ἀφήσειν τὴν τυραννίδα καὶ μᾶλλον ἑαυτοῦ ποιήσεσθαι χάριν ἢ Δίωνοσ.

ἦν δὲ δόλοσ ἡ προσποίησισ αὕτη τοῦ τυράννου καὶ σκευωρία κατὰ τῶν Συρακουσίων, τούσ μὲν γὰρ ἐλθόντασ πρὸσ αὐτὸν ἐκ τῆσ πόλεωσ συγκλείσασ εἶχε, τούσ δὲ μισθοφόρουσ πρὸσ ὄρθρον ἐμπλήσασ ἀκράτου δρόμῳ πρὸσ τὸ περιτείχισμα τῶν Συρακουσίων ἐφῆκε· γενομένησ δὲ τῆσ προσβολῆσ ἀνελπίστου καὶ τῶν βαρβάρων θράσει πολλῷ καὶ θορύβῳ καθαιρούντων τὸ διατείχισμα καὶ τοῖσ Συρακουσίοισ ἐπιφερομένων, οὐδεὶσ ἐτόλμα μένων ἀμύνεσθαι, πλὴν τῶν ξένων τῶν Δίωνοσ, οἳ πρῶτον αἰσθόμενοι τὸν θόρυβον ἐξεβοήθησαν.

οὐδ’ οὗτοι δὲ τῆσ βοηθείασ τὸν τρόπον συνεφρόνουν οὐδ’ εἰσήκουον ὑπὸ κραυγῆσ καὶ πλάνησ τῶν φευγόντων Συρακουσίων ἀναπεφυρμένων αὐτοῖσ καὶ διεκθεόντων, πρίν γε δὴ Δίων, ἐπεὶ λέγοντοσ οὐδεὶσ κατήκουεν, ἔργῳ τὸ πρακτέον ὑφηγήσασθαι βουλόμενοσ ἐμβάλλει πρῶτοσ εἰσ τούσ βαρβάρουσ, καὶ γίνεται περὶ αὐτὸν ὀξεῖα καὶ δεινὴ μάχη, γινωσκόμενον οὐχ ἧττον ὑπὸ τῶν πολεμίων ἢ τῶν φίλων·

ὡρ́μησαν γὰρ ἅμα πάντεσ ἐμβοήσαντεσ.

ὁ δ’ ἦν μὲν ἤδη βαρύτεροσ δι’ ἡλικίαν ἢ κατὰ τοιούτουσ ἀγῶνασ, ἀλκῇ δὲ καὶ θυμῷ τούσ προσφερομένουσ ὑφιστάμενοσ καὶ ἀνακόπτων τιτρώσκεται λόγχῃ τὴν χεῖρα, πρὸσ δὲ τὰ ἄλλα βέλη καὶ τὰσ ἐκ χειρὸσ πληγὰσ μόλισ ὁ θώραξ ἤρκεσε διὰ τῆσ ἀσπίδοσ δόρασι πολλοῖσ καὶ λόγχαισ τυπτόμενοσ ὧν κατακλασθέντων κατέπεσεν ὁ Δίων. εἶτα ἀναρπασθεὶσ ὑπὸ τῶν στρατιωτῶν ἐκείνοισ μὲν ἡγεμόνα Τιμωνίδην ἐπέστησεν, αὐτὸσ δὲ τὴν πόλιν ἵππῳ περιελαύνων τούσ τε Συρακουσίουσ ἔπαυε φυγῆσ, καὶ τῶν ξένων τούσ φυλάττοντασ τὴν Ἀχραδινὴν ἀναστήσασ ἐπῆγε τοῖσ βαρβάροισ ἀκμῆτασ ἐκπεπονημένοισ καὶ προθύμουσ ἀπαυδῶσιν ἤδη πρὸσ τὴν πεῖραν.

ἐλπίσαντεσ γὰρ ἅμα τῇ πρώτῃ ῥύμῃ τὴν πόλιν ἅπασαν ἐξ ἐπιδρομῆσ καθέξειν, εἶτα παρὰ δόξαν ἐντυγχάνοντεσ ἀνδράσι πλήκταισ καὶ μαχίμοισ ἀνεστέλλοντο πρὸσ τὴν ἀκρόπολιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 30

(플루타르코스, Dion, chapter 30)

상위

목록

SEARCH

MENU NAVIGATION