헬라어 문장 검색 - Πλυταρ́Διον́29́

(플루타르코스, Dion, chapter 29)

ἐπεὶ δὲ εἰσῆλθεν ὁ Δίων κατὰ τὰσ Τεμενίτιδασ πύλασ, τῇ σάλπιγγι καταπαύσασ τὸν θόρυβον, ἐκήρυξεν ὅτι Δίων καὶ Μεγακλῆσ ἥκοντεσ ἐπὶ καταλύσει τῆσ τυραννίδοσ ἐλευθεροῦσι Συρακουσίουσ καὶ τοὺσ ἄλλουσ Σικελιώτασ ἀπὸ τοῦ τυράννου, βουλόμενοσ δὲ καὶ δι’ ἑαυτοῦ προσαγορεῦσαι τοὺσ ἀνθρώπουσ ἀνῄει διὰ τῆσ Ἀχραδινῆσ, ἑκατέρωθεν παρὰ τὴν ὁδὸν τῶν Συρακουσίων ἱερεῖα καὶ τραπέζασ καὶ κρατῆρασ ἱστάντων, καὶ καθ’ οὓσ γένοιτο προχύταισ τε βαλλόντων καὶ προστρεπομένων ὥσπερ θεὸν κατευχαῖσ. ἦν δ’ ὑπὸ τὴν ἀκρόπολιν καὶ τὰ Πεντάπυλα, Διονυσίου κατασκευάσαντοσ, ἡλιοτρόπιον καταφανὲσ καὶ ὑψηλόν.

ἐπὶ τοῦτο προβὰσ ἐδημηγόρησε καὶ παρώρμησε τοὺσ πολίτασ ἀντέχεσθαι τῆσ ἐλευθερίασ, οἱ δὲ χαίροντεσ καὶ φιλοφρονούμενοι κατέστησαν ἀμφοτέρουσ αὐτοκράτορασ στρατηγούσ, καὶ προσείλοντο, βουλομένων καὶ δεομένων ἐκείνων, αὐτοῖσ συνάρχοντασ εἴκοσιν, ὧν ἡμίσεισ ἦσαν ἐκ τῶν μετὰ Δίωνοσ ἀπὸ τῆσ φυγῆσ συγκατερχομένων, τοῖσ δὲ μάντεσιν αὖθισ ἐδόκει τὸ μὲν ὑπὸ πόδασ λαβεῖν τὸν Δίωνα δημηγοροῦντα τὴν φιλοτιμίαν καὶ τὸ ἀνάθημα τοῦ τυράννου λαμπρὸν εἶναι σημεῖον ὅτι δ’ ἡλιοτρόπιον ἦν ἐφ’ οὗ βεβηκὼσ ᾑρέθη στρατηγόσ, ὠρρώδουν μὴ τροπήν τινα τῆσ τύχησ αἱ πράξεισ ταχεῖαν λάβωσιν. ἐκ τούτου τὰσ μὲν Ἐπιπολὰσ ἑλὼν τοὺσ καθειργμένουσ τῶν πολιτῶν ἔλυσε, τὴν δὲ ἀκρόπολιν ἀπετείχισεν.

ἑβδόμῃ δ’ ἡμέρᾳ Διονύσιοσ κατέπλευσεν εἰσ τὴν ἀκρόπολιν, καὶ Δίωνι προσῆγον ἅμαξαι πανοπλίασ ἃσ Συνάλῳ κατέλιπε.

ταύτασ διένειμε τοῖσ πολίταισ, τῶν δ’ ἄλλων ἕκαστοσ ἑαυτὸν, ὡσ δυνατὸν ἦν, ἐκόσμει καὶ παρεῖχεν ὁπλίτην πρόθυμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 29

(플루타르코스, Dion, chapter 29)

상위

목록

SEARCH

MENU NAVIGATION