헬라어 문장 검색 - Πλυταρ́Διον́26́

(플루타르코스, Dion, chapter 26)

μάλιστα δ’ αὐτοὺσ ἐθάρρυνε τὸ συμβεβηκὸσ αὐτομάτωσ περὶ τὴν ἀποδημίαν τοῦ Διονυσίου· νεωστὶ γὰρ ἐκπεπλευκὼσ ἐτύγχανεν ὀγδοήκοντα ναυσὶν εἰσ τὴν Ἰταλίαν. διὸ καὶ τοῦ Δίωνοσ παρακαλοῦντοσ ἐνταῦθα τοὺσ στρατιώτασ ἀναλαμβάνειν πολὺν χρόνον ἐν τῇ θαλάσσῃ κεκακωμένουσ, οὐχ ὑπέμειναν αὐτοὶ σπεύδοντεσ ἁρπάσαι τὸν καιρόν, ἀλλ’ ἐκέλευον ἡγεῖσθαι τὸν Δίωνα πρὸσ τὰσ Συρακούσασ. ἀποσκευασάμενοσ οὖν τὰ περιόντα τῶν ὅπλων καὶ τῶν φορτίων ἐκεῖ, καὶ τοῦ Συνάλου δεηθεὶσ, ὅταν ᾖ καιρὸσ, ἀποστεῖλαι πρὸσ αὐτόν, ἐβάδιζεν ἐπὶ τὰσ Συρακούσασ.

πορευομένῳ δ’ αὐτῷ πρῶτον μὲν Ἀκραγαντίνων προσεχώρησαν ἱππεῖσ διακόσιοι τῶν περὶ τὸ Ἔκνομον οἰκούντων, μετὰ δὲ τούτουσ Γελῷοι. ταχὺ δὲ τῆσ φήμησ διαδραμούσησ εἰσ Συρακούσασ Τιμοκράτησ, ὁ τῇ Δίωνοσ γυναικὶ συνοικῶν, Διονυσίου δ’ ἀδελφῇ, τῶν ἀπολελειμμένων ἐν τῇ πόλει φίλων προεστώσ, ἐκπέμπει κατὰ τάχοσ ἄγγελον τῷ Διονυσίῳ γράμματα κομίζοντα περὶ τῆσ Δίωνοσ ἀφίξεωσ.

αὐτὸσ δὲ τοῖσ κατὰ τὴν πόλιν προσεῖχε θορύβοισ καὶ κινήμασιν, ἐπηρμένων μὲν πάντων, διὰ δ’ ἀπιστίαν ἔτι καὶ φόβον ἡσυχαζόντων. τῷ δὲ πεμφθέντι γραμματοφόρῳ τύχη τισ συμπίπτει παράλογοσ. διαπλεύσασ γὰρ εἰσ τὴν Ἰταλίαν καὶ τὴν Ῥηγίνην διελθὼν, ἐπειγόμενοσ εἰσ Καυλωνίαν πρὸσ Διονύσιον ἀπήντησέ τινι τῶν συνήθων ἱερεῖον νεωστὶ τεθυμένον κομίζοντι·

καὶ λαβὼν παρ’ αὐτοῦ μοῖραν τῶν κρεῶν ἐχώρει σπουδῇ. τῆσ δὲ νυκτὸσ μέροσ ὁδεύσασ καὶ μικρὸν ἀποδαρθεῖν ὑπὸ κόπου βιασθείσ, ὡσ εἶχε, παρὰ τὴν ὁδὸν ἐν ὕλῃ τινὶ κατέκλινεν ἑαυτόν, πρὸσ δὲ τὴν ὀσμὴν λύκοσ ἐπελθὼν, καὶ λαβόμενοσ τῶν κρεῶν ἀναδεδεμένων ἐκ τῆσ πήρασ, ᾤχετο φέρων ἅμα σὺν αὐτοῖσ τὴν πήραν, ἐν ᾗ τὰσ ἐπιστολὰσ ὁ ἄνθρωποσ εἶχεν. ὡσ δὲ διεγερθεὶσ ᾔσθετο καὶ πολλὰ μάτην πλανηθεὶσ καὶ διώξασ οὐχ εὑρ͂εν, ἔγνω μὴ πορεύεσθαι δίχα τῶν γραμμάτων πρὸσ τὸν τύραννον, ἀλλ’ ἀποδρὰσ ἐκποδὼν γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 26

(플루타르코스, Dion, chapter 26)

상위

목록

SEARCH

MENU NAVIGATION