헬라어 문장 검색 - Πλυταρ́Διον́22́

(플루타르코스, Dion, chapter 22)

ὁ δὲ Δίων ἐντεῦθεν ἤδη τρέπεται πρὸσ πόλεμον, αὐτοῦ μὲν Πλάτωνοσ ἐκποδὼν ἱσταμένου δι’ αἰδῶ τῆσ πρὸσ Διονύσιον ξενίασ καὶ γῆρασ, Σπευσίππου δὲ καὶ τῶν ἄλλων ἑταίρων τῷ Δίωνι συλλαμβανόντων καὶ παρακελευομένων ἐλευθεροῦν Σικελίαν χεῖρασ ὀρέγουσαν αὐτῷ καὶ προθύμωσ ὑποδεχομένην. ὅτε γὰρ ἐν Συρακούσαισ Πλάτων διέτριβεν, οἱ περὶ Σπεύσιππον, ὡσ ἐοίκε, μᾶλλον ἀναμιγνύμενοι τοῖσ ἀνθρώποισ κατεμάνθανον τὴν διάνοιαν αὐτῶν, καὶ τὸ μὲν πρῶτον ἐφοβοῦντο τὴν παρρησίαν ὡσ διάπειραν οὖσαν ὑπὸ τοῦ τυράννου, χρόνῳ δ’ ἐπίστευσαν.

ὁ γὰρ αὐτὸσ ἦν παρὰ πάντων λόγοσ δεομένων καὶ παρακελευομένων ἐλθεῖν Δίωνα μὴ ναῦσ ἔχοντα μηδ’ ὁπλίτασ μηδ’ ἵππουσ, ἀλλ’ αὐτὸν εἰσ ὑπηρετικὸν ἐμβάντα χρῆσαι τὸ σῶμα καὶ τοὔνομα Σικελιώταισ ἐπὶ τὸν Διονύσιον. ταῦτα τῶν περὶ Σπεύσιππον ἀγγελλόντων ἐπιρρωσθεὶσ ἐξενολόγει κρύφα καὶ δι’ ἑτέρων ἐπικρυπτόμενοσ τὴν διάνοιαν.

συνέπραττον δὲ καὶ τῶν πολιτικῶν πολλοὶ καὶ τῶν φιλοσόφων, ὅ τε Κύπριοσ Εὔδημοσ, εἰσ ὃν Ἀριστοτέλησ ἀποθανόντα τὸν περὶ ψυχῆσ διάλογον ἐποίησε, καὶ Τιμωνίδησ ὁ Λευκάδιοσ. συνέστησαν δὲ καὶ Μιλτᾶν αὐτῷ τὸν Θεσσαλόν, ἄνδρα μάντιν καὶ μετεσχηκότα τῆσ ἐν Ἀκαδημείᾳ διατριβῆσ, τῶν δ’ ὑπὸ τοῦ τυράννου πεφυγαδευμένων, οὐ μεῖον ἢ χιλίων ὄντων, πέντε καὶ εἴκοσι μόνοι τῆσ στρατείασ ἐκοινώνησαν, οἱ δ’ ἄλλοι προὔδοσαν ἀποδειλιάσαντεσ.

ὁρμητήριον δ’ ἦν ἡ Ζακυνθίων νῆσοσ, εἰσ ἣν οἱ στρατιῶται συνελέγησαν ὀκτακοσίων ἐλάττουσ γενόμενοι, γνώριμοι δὲ πάντεσ ἐκ πολλῶν καὶ μεγάλων στρατειῶν, καὶ τοῖσ σώμασιν ἠσκημένοι διαφερόντωσ, ἐμπειρίᾳ δὲ καὶ τόλμῃ πολὺ πάντων κράτιστοι, καὶ δυνάμενοι πλῆθοσ ὅσον ἤλπιζεν ἕξειν ἐν Σικελίᾳ Δίων ὑπεκκαῦσαι καὶ συνεξορμῆσαι πρὸσ ἀλκήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 22

(플루타르코스, Dion, chapter 22)

상위

목록

SEARCH

MENU NAVIGATION