헬라어 문장 검색 - Πλυταρ́Διον́21́

(플루타르코스, Dion, chapter 21)

Δίων δὲ καὶ τούτοισ ἐχαλέπαινε, καὶ μετ’ ὀλίγον χρόνον ἐξεπολεμώθη παντάπασι πυθόμενοσ τὸ περὶ τὴν γυναῖκα, περὶ οὗ καὶ Πλάτων ᾐνίξατο γράφων πρὸσ Διονύσιον, ἦν δὲ τοιοῦτον, μετὰ τὴν ἐκβολὴν τοῦ Δίωνοσ ἀποπέμπων Πλάτωνα Διονύσιοσ ἐκέλευσεν αὐτοῦ δι’ ἀπορρήτων πυθέσθαι, μή τι κωλύοι τὴν γυναῖκα πρὸσ γάμον ἑτέρῳ δοθῆναι· καὶ γὰρ ἦν λόγοσ, εἴτ’ ἀληθὴσ εἴτε συντεθεὶσ ὑπὸ τῶν Δίωνα μισούντων, ὡσ οὐ καθ’ ἡδονὴν ὁ γάμοσ εἰή Δίωνι γεγονὼσ οὐδ’ εὐάρμοστοσ ἡ πρὸσ τὴν γυναῖκα συμβίωσισ.

ὡσ οὖν ἧκεν ὁ Πλάτων Ἀθήναζε καὶ τῷ Δίωνι περὶ πάντων ἐνέτυχε, γράφει πρὸσ τὸν τύραννον ἐπιστολήν τὰ μὲν ἄλλα σαφῶσ πᾶσιν, αὐτὸ δὲ τοῦτο μόνῳ γνώριμον ἐκείνῳ φράζουσαν, ὡσ διαλεχθείη Δίωνι περὶ τοῦ πράγματοσ ἐκείνου καὶ σφόδρα δῆλοσ εἰή χαλεπαίνων, εἰ τοῦτο Διονύσιοσ ἐξεργάσαιτο. καὶ τότε μὲν ἔτι πολλῶν ἐλπίδων οὐσῶν πρὸσ τὰσ διαλύσεισ οὐδὲν ἔπραξε περὶ τὴν ἀδελφὴν νεώτερον, ἀλλ’ εἰά μένειν αὐτὴν μετὰ τοῦ παιδίου τοῦ Δίωνοσ οἰκοῦσαν.

ἐπεὶ δὲ παντάπασιν ἀσυμβάτωσ εἶχε καὶ Πλάτων αὖθισ ἐλθὼν ἀπεπέμφθη πρὸσ ἀπέχθειαν, οὕτω τὴν Ἀρετὴν ἄκουσαν ἑνὶ τῶν φίλων Τιμοκράτει δίδωσιν, οὐ μιμησάμενοσ τὴν κατά γε τοῦτο τοῦ πατρὸσ ἐπιείκειαν. ἐγεγόνει γὰρ, ὡσ ἐοίκε, κἀκείνῳ Πολύξενοσ ὁ τὴν ἀδελφὴν ἔχων αὐτοῦ Θέστην πολέμιοσ, ἀποδράντοσ οὖν αὐτοῦ διὰ φόβον καὶ φυγόντοσ ἐκ Σικελίασ μεταπεμψάμενοσ ᾐτιᾶτο τὴν ἀδελφήν, ὅτι συνειδυῖα τὴν φυγὴν τοῦ ἀνδρὸσ οὐ κατεῖπε πρὸσ αὐτόν.

ἡ δ’ ἀνεκπλήκτωσ καὶ νὴ Δί’ ἀφόβωσ·

"εἶθ’ οὕτω σοι δοκῶ, Διονύσιε, φαύλη γυνὴ γεγονέναι καὶ ἄνανδροσ ὥστε προγνοῦσα τὴν φυγὴν τοῦ ἀνδρὸσ οὐκ ἂν συνεκπλεῦσαι καὶ μετασχεῖν τῆσ αὐτῆσ τύχησ; "ἀλλ’ οὐ προέγνων ἐπεὶ καλῶσ εἶχέ μοι μᾶλλον Πολυξένου γυναῖκα φεύγοντοσ ἢ σοῦ τυραννοῦντοσ ἀδελφὴν λέγεσθαι. ταῦτα τῆσ Θέστησ παρρησιασαμένησ θαυμάσαι λέγουσι τὸν τύραννον. ἐθαύμασαν δὲ καὶ οἱ Συρακούσιοι τὴν ἀρετὴν τῆσ γυναικόσ, ὥστε καὶ μετὰ τὴν κατάλυσιν τῆσ τυραννίδοσ ἐκείνῃ τιμὴν καὶ θεραπείαν βασιλικὴν ὑπάρχειν, ἀποθανούσησ δὲ δημοσίᾳ πρὸσ τὴν ταφὴν ἐπακολουθῆσαι τοὺσ πολίτασ.

ταῦτα μὲν οὖν οὐκ ἄχρηστον ἔχει τὴν παρέκβασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 21

(플루타르코스, Dion, chapter 21)

상위

목록

SEARCH

MENU NAVIGATION