Plutarch, Dion, chapter 8 2:

ἀμέλει δὲ καὶ φύσει τινὰ τὸ ἦθοσ ὄγκον εἶχεν αὐτοῦ καὶ τραχύτητα δυσπρόσοδον ἐντεύξει καὶ δυσξύμβολον. οὐ γὰρ μόνον ἀνδρὶ νέῳ καὶ διατεθρυμμένῳ τὰ ὦτα κολακείαισ ἄχαρισ ἦν συγγενέσθαι καὶ προσάντησ, πολλοὶ δὲ καὶ τῶν πάνυ χρωμένων αὐτῷ καὶ τὴν ἁπλότητα καὶ τὸ γενναῖον ἀγαπώντων τοῦ τρόπου κατεμέμφοντο τῆσ ὁμιλίασ, ὡσ ἀγροικότερον καὶ βαρύτερον πολιτικῶν χρειῶν τοῖσ δεομένοισ συναλλάσσοντα.