Plutarch, De sollertia animalium, chapter, section 31

(플루타르코스, De sollertia animalium, chapter, section 31)

καὶ τί ἄν τισ ἐν τούτοισ τὴν κοινωνίαν θαυμάσειεν, ὅπου τὸ πάντων ἀμικτότατον καὶ τὸ θηριωδέστατον ὧν τρέφουσι ποταμοὶ καὶ λίμναι καὶ θάλασσαι ζῷον, ὁ κροκόδειλοσ, θαυμαστὸν ἑαυτὸν ἐπιδείκνυται πρὸσ κοινωνίαν καὶ χάριν ἐν τοῖσ πρὸσ τὸν τροχίλον συμβολαίοισ; ὁ γὰρ τροχίλοσ ἐστὶ μὲν ὄρνισ τῶν ἑλείων καὶ παραποταμίων, φρουρεῖ δὲ τὸν κροκόδειλον οὐκ οἰκόσιτοσ ἀλλὰ τοῖσ ἐκείνου λειψάνοισ παρατρεφόμενοσ·

ὅταν γὰρ αἴσθηται, τοῦ κροκόδειλον καθεύδοντοσ, ἐπιβουλεύοντα τὸν ἰχνεύμονα πηλούμενον καὶ ἐπ’ αὐτὸν ὥσπερ ἀθλητὴν κονιόμενον ἐπεγείρει φθεγγόμενοσ καὶ κολάπτων ὁ δ’ οὕτωσ ἐξημεροῦται πρὸσ αὐτόν, ὥστε τοῦ στόματοσ διαχανὼν ἐντὸσ παρίησι, καὶ χαίρει τὰ λεπτὰ τῶν ἐνισχομένων τοῖσ ὀδοῦσι σαρκῶν ἐκλέγοντοσ ἀτρέμα τῷ ῥάμφει καὶ διασκαλεύοντοσ·

ἔχων ἢδη βούληται συναγαγεῖν τὸ στόμα καὶ κλεῖσαι, προκλίνει τὴν σιαγόνα καὶ διασημαίνει καὶ οὐ πρότερον καθίησιν ἢ συναισθανόμενον ἐκπτῆναι τὸν τροχίλον.

ἕπεται γὰρ αὐτῷ τὸ κῆτοσ, ὥσπερ οἰάκι ναῦσ, παραγόμενον εὐπειθῶσ.

καὶ τῶν μὲν ἄλλων, ὅ τι ἂν παραλάβῃ τῷ χάσματι ζῷον ἢ σκάφοσ ἢ λίθον, εὐθὺσ; διέφθαρται καὶ ἀπόλωλε πᾶν ἐμβεβυθισμένον·

ἐκεῖνο δὲ γιγνῶσκον ἀναλαμβάνει τῷ στόματι καθάπερ ἄγκυραν ἐντόσ· ἐγκαθεύδει γὰρ αὐτῷ καὶ τὸ κῆτοσ ἕστηκεν ἀναπαυομένου καὶ ὁρμεῖ· προελθόντοσ δ’ αὖθισ ἐπακολουθεῖ μήθ’ ἡμέρασ μήτε νυκτὸσ ἀπολειπόμενον, ἢ ῥέμβεται καὶ πλανᾶται, καὶ πολλὰ διεφθάρη καθάπερ ἀκυβέρνητα πρὸσ γῆν ἐξενεχθέντα. καὶ γὰρ ἡμεῖσ περὶ Ἀντίκυραν ἑωράκαμεν οὐ πάλαι·

πόρρω Βουνῶν ἐξοκείλαντοσ καὶ κατασαπέντοσ, λοιμὸν γενέσθαι.

ἆρ’ οὖν ἄξιόν ἐστι ταύταισ ταῖσ κοινωνίαισ καὶ συμπεριφοραῖσ παραβάλλειν ἅσπερ Ἀριστοτέλησ ἱστορεῖ φιλίασ ἀλωπέκων καὶ ὄφεων διὰ τὸ κοινὸν αὐτοῖσ πολέμιον εἶναι τὸν ἀετόν, ἢ τὰσ ὠτίδων πρὸσ ἵππουσ, ὅτι χαίρουσι προσπελάζουσαι καὶ διασκάλλουσαι τὸν ὄνθον;

ἐγὼ μὲν γὰρ οὐδ’ ἐν μελίτταισ ὁρῶ τοσαύτην ἀλλήλων ἐπιμέλειαν οὐδ’ ἐν μύρμηξι.

τὸ γὰρ κοινὸν αὔξουσι πᾶσαι καὶ πάντεσ ἔργον, ἑτέρῳ δὲ καθ’ ἕτερον ἑτέρου στοχασμὸσ οὐδεὶσ οὐδὲ φροντὶσ ἔστιν.

일치하는 문장이 없습니다.

SEARCH

MENU NAVIGATION