헬라어 문장 검색 - Πλυταρ́Δεσολλέ1́20́

(플루타르코스, De sollertia animalium, chapter, section 20)

γελοῖοι δ’ ἴσωσ ἐσμὲν ἐπὶ τῷ μανθάνειν τὰ ζῷα σεμνύνοντεσ, ὧν ὁ Δημόκριτοσ ἀποφαίνει μαθητὰσ ἐν τοῖσ μεγίστοισ γεγονότασ ἡμᾶσ ἀράχνησ ἐν ὑφαντικῇ καὶ ἀκεστικῇ, χελιδόνοσ ἐν οἰκοδομίᾳ καὶ τῶν λιγυρῶν, κύκνου καὶ ἀηδόνοσ, ἐν ᾠδῇ κατὰ μίμησιν. ἰατρικῆσ δὲ πολὺ τῶν τριῶν εἰδῶν ἑκάστου καὶ γενναῖον ἐν αὐτοῖσ μόριον ὁρῶμεν·

οὐ γὰρ μόνον τῷ φαρμακευτικῷ χρῶνται, χελῶναι μὲν ὀρίγανον γαλαῖ δὲ πήγανον, ὅταν ὄφεωσ φάγωσιν, ἐπεσθίουσαι κύνεσ δὲ πόᾳ τινὶ καθαίροντεσ ἑαυτοὺσ χολεριῶντασ· ὁ δὲ δράκων τῷ μαράθρῳ τὸν ὀφθαλμὸν ἀμβλυώττοντα λεπτύνων καὶ διαχαράττων·

ἡ δ’ ἄρκτοσ, ὅταν ἐκ τοῦ φωλεοῦ προέλθῃ, τὸ ἄρον ἐσθίουσα πρῶτον τὸ ἄγριον ἡ γὰρ δριμύτησ ἀνοίγει συμπεφυκὸσ αὐτῆσ τὸ ἔντερον· ἄλλωσ δ’ ἀσώδησ γενομένη πρὸσ τὰσ μυρμηκιὰσ τρέπεται καὶ κάθηται προβάλλουσα λιπαρὰν καὶ μαλακὴν ἰκμάδι γλυκείᾳ τὴν γλῶσσαν, ἄχρι οὗ μυρμήκων ἀνάπλεωσ γένηται·

καταπίνουσα γὰρ ὠφελεῖται. τῆσ τ’ ἴβεωσ τὸν ὑποκλυσμὸν ἅλμῃ καθαιρομένησ Αἰγύπτιοι συνιδεῖν καὶ μιμήσασθαι λέγουσιν·

οἱ δ̓ ἱερεῖσ ὕδατι χρῶνται, περιαγνίζοντεσ ἑαυτούσ, ἐξ οὗ πέπωκεν ἶβισ ἂν γὰρ ᾖ φαρμακῶδεσ ἢ νοσηρὸν ἄλλωσ τὸ ὕδωρ, οὐ πρόσεισιν.

καθάπερ λύκοι καὶ λέοντεσ, ὅταν κρεῶν γένωνται διακορεῖσ, ἡσυχίαν ἄγουσι κατακείμενοι καὶ συνθάλποντεσ ἑαυτούσ.

τὴν γαλεάγραν σπαράσσειν ἐκείνου δὲ φείσασθαι οἰομένην σύντροφον ἔχειν ἤδη καὶ σύνοικον.

οὐ μὴν ἀλλὰ καὶ χειρουργίᾳ χρῆσθαι τοὺσ ἐλέφαντασ ἱστοροῦσι καὶ γὰρ ξυστὰ καὶ λόγχασ καὶ τοξεύματα, παριστάμενοι τοῖσ τετρωμένοισ, ἄνευ σπαραγμοῦ ῥᾳδίωσ καὶ ἀβλαβῶσ ἐξέλκουσιν.

αἱ δὲ Κρητικαὶ αἶγεσ, ὅταν τὸ δίκταμνον φάγωσιν, ἐκβάλλουσαι τὰ τοξεύματα ῥᾳδίωσ καταμαθεῖν ταῖσ ἐγκύοισ τὴν βοτάνην παρέσχον ἐκτρωτικὴν δύναμιν ἔχουσαν· ἐπ’ οὐδὲν γὰρ ἄλλο τρωθεῖσαι φέρονται καὶ ζητοῦσι καὶ διώκουσιν ἢ τὸ δίκταμνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De sollertia animalium, chapter, section 20

(플루타르코스, De sollertia animalium, chapter, section 20)

상위

목록

SEARCH

MENU NAVIGATION