헬라어 문장 검색 - Πλυταρ́Ξαμιλλύ41́

(플루타르코스, Camillus, chapter 41)

ἐπεὶ δὲ πλησίον ἦσαν οἱ Κελτοί, περὶ τὸν Ἀνίωνα ποταμὸν στρατόπεδον βαρὺ καὶ μεστὸν ἀφθόνου λείασ ἔχοντεσ, ἐξαγαγὼν τὴν δύναμιν ἵδρυσε κατὰ νάπησ μαλακῆσ καὶ συγκλίσεισ πολλὰσ ἐχούσησ, ὥστε τὸ μὲν πλεῖστον ἀποκρύπτεσθαι, τὸ δ’ ὁρώμενον δοκεῖν ὑπὸ δέουσ εἰσ χωρία προσάντη κατειλεῖσθαι. ταύτην δὲ τὴν δόξαν αὐτῶν ὁ Κάμιλλοσ αὔξειν βουλόμενοσ οὐ προσήμυνε τῶν ὑπὸ πόδασ πορθουμένων, ἀλλὰ τὸν χάρακα φραξάμενοσ ἠρέμει, μέχρι οὗ τοὺσ μὲν ἐν προνομαῖσ ἐσκεδασμένουσ κατεῖδε, τοὺσ δ’ ἐν τῷ στρατοπέδῳ πᾶσαν ὡρ́αν ἐμπιπλαμένουσ ἀφειδῶσ καὶ μεθύοντασ.

τότε δὲ νυκτὸσ ἔτι τοὺσ ψιλοὺσ προεκπέμψασ ἐμποδὼν εἶναι τοῖσ βαρβάροισ εἰσ τάξιν καθισταμένοισ καὶ διαταράττειν εὐθὺσ ἐπεξιόντασ, κατεβίβαζεν ὄρθρου τοὺσ ὁπλίτασ καὶ παρέταττεν ἐν τοῖσ ἐπιπέδοισ, πολλοὺσ καὶ προθύμουσ, οὐχ ὥσπερ οἱ βάρβαροι προσεδόκων, ὀλίγουσ καὶ ἀτόλμουσ φανέντασ.

πρῶτον μὲν οὖν τοῦτο τῶν Κελτῶν ἀνέτρεψε τὰ φρονήματα παρ’ ἀξίαν ἐπιχειρεῖσθαι δοκούντων. ἔπειτα προσπίπτοντεσ οἱ ψιλοὶ καὶ πρὶν ἢ τὸν συνήθη λαβεῖν κόσμον καὶ διακριθῆναι κατὰ λόχουσ κινοῦντεσ αὐτοὺσ καὶ βιαζόμενοι πρὸσ τὸ συντυχὸν ἀτάκτουσ ἠνάγκασαν μάχεσθαι. τέλοσ δὲ τοῦ Καμίλλου τοὺσ ὁπλίτασ ἐπάγοντοσ, οἱ μὲν ἀνατεινάμενοι τὰσ μαχαίρασ συνδραμεῖν ἔσπευδον, οἱ δὲ τοῖσ ὑσσοῖσ ἀπαντῶντεσ καὶ τὰ σεσιδηρωμένα μέρη ταῖσ πληγαῖσ ὑποφέροντεσ ἀνέστρεφον τὸν ἐκείνων σίδηρον μαλακὸν ὄντα καὶ λεπτῶσ ἐληλαμένον, ὥστε κάμπτεσθαι ταχὺ καὶ διπλοῦσθαι τὰσ μαχαίρασ, τοὺσ δὲ θυρεοὺσ συμπεπάρθαι καὶ βαρύνεσθαι τῶν ὑσσῶν ἐφελκομένων.

διὸ καὶ μεθιστάμενοι τῶν ἰδίων ὅπλων ἐπειρῶντο τοῖσ ἐκείνων συστρέφεσθαι καὶ τοὺσ ὑσσοὺσ παραφέρειν ἐπιλαμβανόμενοι ταῖσ χερσίν.

οἱ δὲ Ῥωμαῖοι γυμνουμένουσ ὁρῶντεσ ἤδη τοῖσ ξίφεσιν ἐχρῶντο, καὶ φόνοσ μὲν ἦν πολὺσ τῶν προτάκτων, φυγὴ δὲ τῶν ἄλλων πανταχόσε τοῦ πεδίου, τοὺσ γὰρ λόφουσ καὶ τὰ ὑψηλὰ προκατειλήφει Κάμιλλοσ, τὸ δὲ στρατόπεδον διὰ τὸ θαρσεῖν ἄφρακτον ἔχοντεσ ᾔδεσαν οὐ χαλεπῶσ ἁλωσόμενον. ταύτην τὴν μάχην ἔτεσιν ὕστερον τρισκαίδεκα γενέσθαι λέγουσι τῆσ Ῥώμησ ἁλώσεωσ, καὶ βέβαιον ἐξ αὐτῆσ φρόνημα κατὰ τῶν Κελτῶν ἐγγενέσθαι Ῥωμαίοισ σφόδρα δεδοικόσι τοὺσ βαρβάρουσ, ὡσ τὸ πρῶτον διὰ νόσουσ καὶ τύχασ παραλόγουσ, οὐ κατὰ κράτοσ, ὑπ’ αὐτῶν νενικημένουσ, οὕτω δ’ οὖν ὁ φόβοσ ἦν ἰσχυρόσ, ὥστε θέσθαι νόμον ἀφεῖσθαι τοὺσ ἱερεῖσ στρατείασ χωρὶσ ἂν μὴ Γαλατικὸσ ᾖ πόλεμοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 41

(플루타르코스, Camillus, chapter 41)

상위

목록

SEARCH

MENU NAVIGATION