헬라어 문장 검색 - Πλυταρ́Ξαμιλλύ34́

(플루타르코스, Camillus, chapter 34)

τὸν δ’ ἕτερον λόγον οἱ πλεῖστοι τῶν συγγραφέων δοκιμάζοντεσ οὕτω λέγουσιν. ἀποδειχθεὶσ δικτάτωρ τὸ τρίτον ὁ Κάμιλλοσ καὶ πυθόμενοσ τὸ μετὰ τῶν χιλιάρχων στράτευμα πολιορκούμενον ὑπὸ τῶν Λατίνων καὶ τῶν Οὐολούσκων, ἠναγκάσθη καὶ τοὺσ οὐκ ἐν ὡρ́ᾳ τῶν πολιτῶν, ἀλλ’ ἤδη παρηβηκότασ καθοπλίσαι. περιελθὼν δὲ μακρὰν περίοδον περὶ τὸ Μάρκιον ὄροσ καὶ λαθὼν τοὺσ πολεμίουσ ἵδρυσε τὴν στρατιὰν κατόπιν αὐτῶν, καὶ πυρὰ πολλὰ καύσασ διεσήμηνε τὴν ἑαυτοῦ παρουσίαν.

οἱ μὲν οὖν πολιορκούμενοι θαρρήσαντεσ ἐπιέναι διενοοῦντο καὶ μάχην συνάπτειν οἱ δὲ Λατῖνοι καὶ Οὐολοῦσκοι συστείλαντεσ εἴσω τοῦ χάρακοσ ἑαυτούσ ἀπεσταύρουν ξύλοισ πολλοῖσ καὶ διεφράγνυντο πανταχόθεν τὸ στρατόπεδον, ἀμφίβολοι γεγονότεσ ὑπὸ τῶν πολεμίων καὶ περιμένειν ἐγνωκότεσ ἑτέραν οἴκοθεν δύναμιν, ἅμα δὲ καὶ Τυρρηνῶν προσδεχόμενοι βοήθειαν. τοῦτο δ’ αἰσθόμενοσ ὁ Κάμιλλοσ καὶ δεδοικὼσ παθεῖν ὅπερ ἐποίησεν αὐτὸσ τοὺσ πολεμίουσ κυκλωσάμενοσ ἔσπευδε προλαβεῖν τὸν καιρόν, ὄντοσ δὲ τοῦ περιφράγματοσ ξυλίνου καὶ πνεύματοσ μεγάλου κατιόντοσ ἀπὸ τῶν ὀρῶν ἅμα φάει, πυροβόλα παρασκευασάμενοσ καὶ περὶ τὸν ὄρθρον ἐξαγαγὼν τὴν δύναμιν τοὺσ μὲν ἄλλουσ ἐκέλευσε χρῆσθαι βέλεσι καὶ κραυγῇ καθ’ ἕτερον μέροσ, αὐτὸσ δὲ τοὺσ τὸ πῦρ ἀφήσειν μέλλοντασ ἔχων ὅθεν εἰώθει μάλιστα προσπίπτειν ὁ ἄνεμοσ τῷ χάρακι τῶν πολεμίων ἀνέμενε τὴν ὡρ́αν.

ἐπεὶ δὲ συνεστώσησ τῆσ μάχησ ὅ τε ἥλιοσ ἀνῄει καὶ τὸ πνεῦμα λαμπρὸν ἐξέπιπτε, σημήνασ ἐπιδρομὴν κατέσπειρε τοῦ χάρακοσ ἄφθονα τῶν πυροβόλων.

ταχὺ δὲ τῆσ φλογὸσ ἐν ὕλῃ πυκνῇ καὶ σταυρώμασι ξυλίνοισ ἀνατραφείσησ καὶ κύκλῳ περινεμομένησ, οὐδὲν ἄκοσ οὐδὲ σβεστήριον ἔχοντεσ οἱ Λατῖνοι παρεσκευασμένον, ὡσ πλῆρεσ ἦν ἤδη τὸ στρατόπεδον πυρόσ, ἐπ’ ὀλίγον συστελλόμενοι τόπον ἐξέπιπτον ὑπ’ ἀνάγκησ πρὸσ ὡπλισμένουσ καὶ παρατεταγμένουσ πρὸ τοῦ χάρακοσ τοὺσ πολεμίουσ, καὶ τούτων μὲν ὀλίγοι διέφυγον, τοὺσ δὲ καταλειφθέντασ ἐν τῷ στρατοπέδῳ πάντασ διέφθειρε τὸ πῦρ, μέχρι οὗ κατασβέσαντεσ οἱ Ῥωμαῖοι τὰ χρήματα διήρπασαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 34

(플루타르코스, Camillus, chapter 34)

상위

목록

SEARCH

MENU NAVIGATION