호흡부호 보기
강세부호 보기
장단부호 보기
작은 Iota 보기
모든 부호 보기
ἦν δέ τισ ἐν τοῖσ νέοισ Πόντιοσ Κομίνιοσ, τῶν μέσων κατὰ γένοσ πολιτῶν, δόξησ δὲ καὶ τιμῆσ ἐραστήσ· οὗτοσ ὑπέστη τόν ἆθλον ἑκούσιοσ. καὶ γράμματα μὲν οὐκ ἔλαβε πρὸσ τοὺσ ἐν τῷ Καπιτωλίῳ, μὴ ληφθέντοσ αὐτοῦ φωράσωσιν οἱ πολέμιοι δι’ αὐτῶν τοῦ Καμίλλου τήν διάνοιαν, ἐσθῆτα δὲ φαύλην ἔχων καὶ φελλοὺσ ὑπ’ αὐτῇ κομίζων τήν μὲν ἄλλην ὁδὸν ἡμέρασ ἀδεῶσ διῆλθεν, ἐγγὺσ δὲ τῆσ πόλεωσ γενόμενοσ ἤδη σκοταῖοσ, ἐπεὶ κατὰ γέφυραν οὐκ ἦν τόν ποταμὸν περᾶσαι τῶν βαρβάρων παραφυλαττόντων, τήν μὲν ἐσθῆτα τῇ κεφαλῇ περισπειράσασ οὐ πολλὴν οὐδὲ βαρεῖαν, τοῖσ δὲ φελλοῖσ ἐφεὶσ τὸ σῶμα καὶ συνεπικουφίζων τῷ περαιοῦσθαι πρὸσ τήν πόλιν ἐξέβη.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기