헬라어 문장 검색 - Πλυταρ́Ξαμιλλύ17́

(플루타르코스, Camillus, chapter 17)

οἱ δὲ Γαλάται τότε πρὸσ πόλιν Τυρρηνίδα Κλούσιον στρατεύσαντεσ ἐπολιόρκουν, οἱ δὲ Κλουσῖνοι καταφυγόντεσ ἐπὶ τοὺσ Ῥωμαίουσ ᾐτήσαντο πρέσβεισ παρ’ αὐτῶν καὶ γράμματα πρὸσ τοὺσ βαρβάρουσ. ἐπέμφθησαν δὲ τοῦ Φαβίων γένουσ τρεῖσ ἄνδρεσ εὐδόκιμοι καὶ τιμὰσ μεγάλασ ἔχοντεσ ἐν τῇ πόλει. τούτουσ ἐδέξαντο μὲν οἱ Γαλάται φιλανθρώπωσ διὰ τὸ τῆσ Ῥώμησ ὄνομα, καὶ παυσάμενοι τῆσ πρὸσ τὰ τείχη μάχησ εἰσ λόγουσ συνῆλθον.

"Κλουσῖνοι γῆν καὶ χώραν ὀλίγην μὲν γεωργεῖν δυνάμενοι, πολλὴν δὲ κατέχειν ἀξιοῦντεσ καὶ μὴ μεταδιδόντεσ ἡμῖν ξένοισ οὖσι καὶ πολλοῖσ καὶ πένησι. "ταῦτα δ’ ἄρα καὶ ὑμᾶσ ἠδίκουν, ὦ Ῥωμαῖοι , πρότερον μὲν Ἀλβανοὶ καὶ Φιδηνᾶται καὶ Ἀρδεᾶται, νῦν δὲ Οὐήϊοι καὶ Καπηνᾶται καὶ πολλοὶ Φαλίσκων καὶ Οὐολούσκων· "ἐφ’ οὓσ ὑμεῖσ στρατεύοντεσ, ἐὰν μὴ μεταδιδῶσιν ὑμῖν τῶν ἀγαθῶν, ἀνδραποδίζεσθε καὶ λεηλατεῖτε καὶ κατασκάπτετε τὰσ πόλεισ αὐτῶν, οὐδὲν οὐδὲ ὑμεῖσ γε δεινὸν οὐδὲ ἄδικον ποιοῦντεσ, ἀλλὰ τῷ πρεσβυτάτῳ τῶν νόμων ἀκολουθοῦντεσ, ὃσ τῷ κρείττονι τὰ τῶν ἡττόνων δίδωσιν ἀρχόμενοσ ἀπὸ τοῦ θεοῦ καὶ τελευτῶν εἰσ τὰ θηρία, καὶ γὰρ τούτοισ ἐκ φύσεωσ ἔνεστι τὸ ζητεῖν πλέον ἔχειν τὰ κρείττονα τῶν ὑποδεεστέρων. "Κλουσίνουσ δὲ παύσασθε πολιορκουμένουσ οἰκτείροντεσ, ὡσ μὴ καὶ Γαλάτασ διδάξητε χρηστοὺσ καὶ φιλοικτίρμονασ γενέσθαι τοῖσ ὑπὸ Ῥωμαίων ἀδικουμένοισ. ἐκ τούτων τῶν λόγων ἔγνωσαν οἱ Ῥωμαῖοι τὸν Βρέννον ἀσυμβάτωσ ἔχοντα, καὶ παρελθόντεσ εἰσ τὸ Κλούσιον ἐθάρρυνον καὶ παρώρμων τοὺσ ἄνδρασ ἐπεξελθεῖν τοῖσ βαρβάροισ μετ’ αὐτῶν, εἴτε τὴν ἐκείνων ἀλκὴν καταμαθεῖν εἴτε τὴν ἑαυτῶν ἐπιδείξασθαι θέλοντεσ.

ἐκδρομῆσ δὲ τῶν Κλουσίνων καὶ μάχησ παρὰ τὰ τείχη γενομένησ εἷσ τῶν Φαβίων, Κόιντοσ Ἄμβουστοσ, ἵππον ἔχων ἐλήλασεν ἀνατίοσ ἀνδρὶ μεγάλῳ καὶ καλῷ Γαλάτῃ πολὺ προϊππεύοντι τῶν ἄλλων, ἀγνοηθεὶσ ἐν ἀρχῇ διὰ τὸ τὴν σύνοδον ὀξεῖαν γενέσθαι καὶ τὰ ὅπλα περιλάμποντα τὴν ὄψιν ἀποκρύπτειν. ὡσ δ’ ἐπικρατήσασ τῇ μάχῃ καὶ καταβαλὼν ἐσκύλευε τὸν ἄνθρωπον, γνωρίσασ ὁ Βρέννοσ αὐτὸν ἐπεμαρτύρατο θεούσ, ὡσ παρὰ τὰ κοινὰ καὶ νενομισμένα πᾶσιν ἀνθρώποισ ὅσια καὶ δίκαια πρεσβευτοῦ μὲν ἥκοντοσ, πολέμια δὲ εἰργασμένου.

καταπαύσασ δὲ τὴν μάχην αὐτίκα Κλουσίνουσ μὲν εἰά χαίρειν, ἐπὶ δὲ τὴν Ῥώμην τὸν στρατὸν ἦγεν. οὐ βουλόμενοσ δὲ δόξαι τὴν ἀδικίαν αὐτοῖσ ὥσπερ ἀσμένοισ γεγονέναι καὶ δεομένοισ προφάσεωσ, ἔπεμψεν ἐξαιτῶν ἐπὶ τιμωρίᾳ τὸν ἄνδρα καὶ προῆγεν ἅμα σχολαίωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 17

(플루타르코스, Camillus, chapter 17)

상위

목록

SEARCH

MENU NAVIGATION