헬라어 문장 검색 - Πλυταρ́Ξαμιλλύ08́

(플루타르코스, Camillus, chapter 8)

θορυβουμένῳ δ’ ὑπ’ αὐτῶν τῷ Καμίλλῳ καὶ προφάσεωσ ἀποροῦντι βελτίονοσ εἰσ τὸν ἀτοπώτατον τῶν λόγων συνέβαινε καταφεύγειν, ὁμολογοῦντι ἐπιλαθέσθαι τῆσ εὐχῆσ, οἱ δ’ ἐχαλέπαινον, εἰ τὰ τῶν πολεμίων δεκατεύσειν εὐξάμενοσ τότε νῦν δεκατεύει τὰ τῶν πολιτῶν, οὐ μὴν ἀλλὰ πάντων ὅσον ἔδει μέροσ εἰσενεγκόντων ἔδοξε κρατῆρα χρυσοῦν κατασκευάσαντασ εἰσ Δελφοὺσ ἀποστεῖλαι. χρυσίου δ’ ἦν σπάνισ ἐν τῇ πόλει καὶ τῶν ἀρχόντων ὅθεν ἂν πορισθείη σκοπούντων, αἱ γυναῖκεσ αὐταὶ καθ’ αὑτὰσ βουλευσάμεναι τὸν ὄντα χρυσοῦν ἑκάστῃ περὶ τὸ σῶμα κόσμον ἐπέδωκαν εἰσ τὸ ἀνάθημα, σταθμῷ χρυσίου γενόμενον ὀκτὼ ταλάντων, καὶ ταύταισ μὲν ἡ σύγκλητοσ ἀποδιδοῦσα τιμὴν πρέπουσαν ἐψηφίσατο μετὰ θάνατον ὥσπερ ἐπὶ τοῖσ ἀνδράσι καὶ ταῖσ γυναιξὶ λέγεσθαι τὸν ἄξιον ἔπαινον οὐ γὰρ ἦν εἰθισμένον πρότερον ἐγκωμιάζεσθαι γυναῖκα δημοσίᾳ τελευτήσασαν·

ἑλόμενοι δὲ τρεῖσ ἄνδρασ ἐκ τῶν ἀρίστων θεωρούσ καὶ ναῦν μακρὰν εὐανδροῦντι πληρώματι καὶ κόσμῳ πανηγυρικῷ κατασκευάσαντεσ ἐξέπεμψαν.

ἦν δ’ ἄρα καὶ χειμὼν καὶ γαλήνη θαλάσσησ ἀργαλέον, ὡσ ἐκείνοισ συνέτυχε τότε παρ’ οὐδὲν ἐλθόντασ ἀπολέσθαι διαφυγεῖν αὖθισ ἀπροσδοκήτωσ τὸν κίνδυνον. ἐπέπλευσαν γὰρ αὐτοῖσ Λιπαρέων τριήρεισ περὶ τὰσ Αἰόλου νήσουσ τοῦ πνεύματοσ ἐκλιπόντοσ ὡσ λῃσταῖσ. δεομένων δὲ καὶ προϊσχομένων χεῖρασ ἐμβολῆσ μὲν ἔσχοντο, τὴν δὲ ναῦν ἀναψάμενοι καὶ καταγαγόντεσ ἀπεκήρυττον, ἅμα καὶ τὰ χρήματα καὶ τὰ σώματα, πειρατικὰ κρίναντεσ εἶναι.

μόλισ δ’ ἑνὸσ ἀνδρὸσ ἀρετῇ καὶ δυνάμει Τιμησιθέου τοῦ στρατηγοῦ πεισθέντεσ μεθῆκαν. ὁ δὲ καὶ προσκαθελκύσασ ἰδίᾳ πλοῖα παρέπεμψε καὶ συγκαθιέρωσε τὸ ἀνάθημα· δι’ ὃ καὶ τιμὰσ ἔσχεν, ἃσ εἰκὸσ ἦν, ἐν Ῥώμῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 8

(플루타르코스, Camillus, chapter 8)

상위

목록

SEARCH

MENU NAVIGATION