Plutarch, Caesar, chapter 68 1:

ἐπεὶ δὲ τῶν διαθηκῶν τῶν Καίσαροσ ἀνοιχθεισῶν εὑρέθη δεδομένη Ῥωμαίων ἑκάστῳ δόσισ ἀξιόλογοσ, καί τὸ σῶμα κομιζόμενον δι’ ἀγορᾶσ ἐθεάσαντο ταῖσ πληγαῖσ διαλελωβημένον, οὐκέτι κόσμον εἶχεν οὐδὲ τάξιν αὐτῶν τὸ πλῆθοσ, ἀλλὰ τῷ μὲν νεκρῷ περισωρεύσαντεσ ἐξ ἀγορᾶσ βάθρα καί κιγκλίδασ καί τραπέζασ ὑφῆψαν αὐτοῦ καὶ κατέκαυσαν, ἀράμενοι δὲ δαλοὺσ διαπύρουσ ἔθεον ἐπὶ τὰσ οἰκίασ τῶν ἀνῃρηκότων ὡσ καταφλέξοντεσ, ἄλλοι δὲ ἐφοίτων πανταχόσε τῆσ πόλεωσ συλλαβεῖν καί διασπάσασθαι τοὺσ ἄνδρασ ζητοῦντεσ.