헬라어 문장 검색 - Πλυταρ́Ξαεσαρ́57́

(플루타르코스, Caesar, chapter 57)

οὐ μὴν ἀλλὰ καὶ πρὸσ τὴν τύχην τοῦ ἀνδρὸσ ἐγκεκλικότεσ καὶ δεδεγμένοι τὸν χαλινόν, καὶ τῶν ἐμφυλίων πολέμων καὶ κακῶν ἀναπνοὴν ἡγούμενοι τὴν μοναρχίαν, δικτάτορα μὲν αὐτόν ἀπέδειξαν διὰ βίου τοῦτο δ’ ἦν ὁμολογουμένη τυραννίσ, τῷ ἀνυπευθύνῳ τῆσ μοναρχίασ τὸ ἀκατάπαυστον προσλαβούσησ· τιμὰσ δὲ τὰσ πρώτασ Κικέρωνοσ εἰσ τὴν βουλὴν γράψαντοσ, ὧν ἁμῶσ γέ πωσ ἀνθρώπινον ἦν τὸ μέγεθοσ, ἕτεροι προστιθέντεσ ὑπερβολὰσ καὶ διαμιλλώμενοι πρὸσ ἀλλήλουσ ἐξειργάσαντο καὶ τοῖσ πρᾳοτάτοισ ἐπαχθῆ τὸν ἄνδρα καὶ λυπηρὸν γενέσθαι διὰ τὸν ὄγκον καὶ τὴν ἀτοπίαν τῶν ψηφιζομένων, οἷσ οὐδὲν ἧττον οἰόνται συναγωνίσασθαι τῶν κολακευόντων Καίσαρα τοὺσ μισοῦντασ, ὅπωσ ὅτι πλείστασ κατ’ αὐτοῦ προφάσεισ ἔχωσι καὶ μετὰ μεγίστων ἐγκλημάτων ἐπιχειρεῖν δοκῶσιν.

ἐπεὶ τά γε ἄλλα, τῶν ἐμφυλίων αὐτῷ πολέμων πέρασ ἐσχηκότων, ἀνέγκλητον ἑαυτὸν παρεῖχε·

καὶ τό γε τῆσ Ἐπιεικείασ ἱερὸν οὐκ ἀπὸ τρόπου δοκοῦσι χαριστήριον ἐπὶ τῇ πρᾳότητι ψηφίσασθαι. καὶ γὰρ ἀφῆκε πολλοὺσ τῶν πεπολεμηκότων πρὸσ αὐτόν, ἐνίοισ δὲ καὶ ἀρχὰσ καὶ τιμάσ, ὡσ Βρούτῳ καὶ Κασσίῳ, προσέθηκεν ἐστρατήγουν γὰρ ἀμφότεροι. καὶ τὰσ Πομπηϊού καταβεβλημένασ εἰκόνασ οὐ περιεῖδεν, ἀλλ’ ἀνέστησεν, ἐφ’ ὧν καὶ Κικέρων εἶπεν ὅτι Καῖσαρ τοὺσ Πομπηϊού στήσασ ἀνδριάντασ τοὺσ ἰδίουσ ἔπηξε, τῶν δὲ φίλων ἀξιούντων αὐτὸν δορυφορεῖσθαι καὶ πολλῶν ἐπὶ τοῦτο παρεχόντων ἑαυτούσ οὐχ ὑπέμεινεν, εἰπὼν ὡσ βέλτιόν ἐστιν ἅπαξ ἀποθανεῖν ἢ ἀεὶ προσδοκᾶν.

τὴν δ’ εὔνοιαν ὡσ κάλλιστον ἅμα καὶ βεβαιότατον ἑαυτῷ περιβαλλόμενοσ φυλακτήριον, αὖθισ ἀνελάμβανε τὸν δῆμον ἑστιάσεσι καὶ σιτηρεσίοισ, τὸ δὲ στρατιωτικὸν ἀποικίαισ, ὧν ἐπιφανέσταται Καρχηδὼν καὶ Κόρινθοσ ἦσαν, αἷσ καὶ πρότερον τὴν ἅλωσιν καὶ τότε τὴν ἀνάληψιν ἅμα καὶ κατὰ τὸν αὐτὸν χρόνον ἀμφοτέραισ γενέσθαι συνέτυχε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 57

(플루타르코스, Caesar, chapter 57)

상위

목록

SEARCH

MENU NAVIGATION