Plutarch, Caesar, chapter 51 1:

ἐκ τούτου διαβαλὼν εἰσ Ἰταλίαν ἀνέβαινεν εἰσ Ῥώμην, τοῦ μὲν ἐνιαυτοῦ καταστρέφοντοσ εἰσ ὃν ᾕρητο δικτάτωρ τὸ δεύτερον, οὐδέποτε τῆσ ἀρχῆσ ἐκείνησ πρότερον ἐνιαυσίου γενομένησ· εἰσ δὲ τοὐπιὸν ὕπατοσ ἀπεδείχθη, καὶ κακῶσ ἤκουσεν ὅτι τῶν στρατιωτῶν στασιασάντων καὶ δύο στρατηγικοὺσ ἄνδρασ ἀνελόντων, Κοσκώνιον καὶ Γάλβαν, ἐπετίμησε μὲν αὐτοῖσ τοσοῦτον ὅσον ἀντὶ στρατιωτῶν πολίτασ προσαγορεῦσαι, χιλίασ δὲ διένειμεν ἑκάστῳ δραχμὰσ καὶ χώραν τῆσ Ἰταλίασ ἀπεκλήρωσε πολλήν.