헬라어 문장 검색 - Πλυταρ́Ξαεσαρ́37́

(플루타르코스, Caesar, chapter 37)

ἐπανελθόντα δὲ εἰσ Ῥώμην Καίσαρα Πείσων μὲν ὁ πενθερὸσ παρεκάλει πρὸσ Πομπήϊον ἀποστέλλειν ἄνδρασ ὑπὲρ διαλύσεωσ, Ἰσαυρικὸσ δὲ Καίσαρι χαριζόμενοσ ἀντεῖπεν. αἱρεθεὶσ δὲ δικτάτωρ ὑπὸ τῆσ βουλῆσ φυγάδασ τε κατήγαγε, καὶ τῶν ἐπὶ Σύλλα δυστυχησάντων τοὺσ παῖδασ ἐπιτίμουσ ἐποίησε, καὶ σεισαχθείᾳ τινὶ τόκων ἐκούφιζε τοὺσ χρεωφειλέτασ, ἄλλων τε τοιούτων ἥψατο πολιτευμάτων οὐ πολλῶν, ἀλλ’ ἐν ἡμέραισ ἕνδεκα τὴν μὲν μοναρχίαν ἀπειπάμενοσ, ὕπατον δὲ ἀναδείξασ ἑαυτὸν καὶ Σερουΐλιον Ἰσαυρικόν, εἴχετο τῆσ στρατείασ. καὶ τὰσ μὲν ἄλλασ δυνάμεισ καθ’ ὁδὸν ἐπειγόμενοσ παρῆλθεν, ἱππεῖσ δὲ ἔχων λογάδασ ἑξακοσίουσ καὶ πέντε τάγματα, χειμῶνοσ ἐν τροπαῖσ ὄντοσ, ἱσταμένου Ιἀννουαρίου μηνὸσ οὗτοσ δ’ ἂν εἰή Ποσειδεὼν Ἀθηναίοισ ἀφῆκεν εἰσ τὸ πέλαγοσ καὶ διαβαλὼν τὸν Ιὄνιον Ὤρικον καὶ Ἀπολλωνίαν αἱρεῖ, τὰ δὲ πλοῖα πάλιν ἀπέπεμψεν εἰσ Βρεντέσιον ἐπὶ τοὺσ ὑστερήσαντασ τῇ πορείᾳ στρατιώτασ.

οἱ δὲ ἄχρι μὲν καθ’ ὁδὸν ἦσαν, ἅτε δὴ καὶ παρηκμακότεσ ἤδη τοῖσ σώμασι καὶ πρὸσ τὰ πλήθη τῶν πολέμων ἀπειρηκότεσ, ἐν αἰτίαισ εἶχον τὸν Καίσαρα·

"ποῖ δὴ καὶ πρὸσ τί πέρασ ἡμᾶσ οὗτοσ ὁ ἀνὴρ καταθήσεται περιφέρων καὶ χρώμενοσ ὥσπερ ἀτρύτοισ καὶ ἀψύχοισ ἡμῖν; "καὶ σίδηροσ ἐξέκαμε πληγαῖσ, καὶ θυρεοῦ τίσ τίσ φειδώ ἐν χρόνῳ τοσούτῳ καὶ θώρακοσ, οὐδὲ ἀπὸ τῶν τραυμάτων ἄρα λογίζεται Καῖσαρ ὅτι θνητῶν μὲν ἄρχει, θνητὰ δὲ πεφύκαμεν πάσχειν καὶ ἀλγεῖν; "ὡρ́αν δὲ χειμῶνοσ καὶ πνεύματοσ ἐν θαλάττῃ καιρὸν οὐδὲ θεῷ βιάζεσθαι δυνατόν ἀλλ’ οὗτοσ παραβάλλεται καθάπερ οὐ διώκων πολεμίουσ, ἀλλὰ φεύγων. τοιαῦτα λέγοντεσ ἐπορεύοντο σχολαίωσ εἰσ τὸ Βρεντέσιον.

ὡσ δὲ ἐλθόντεσ εὑρ͂ον ἀνηγμένον τὸν Καίσαρα, ταχὺ πάλιν αὖ μεταβαλόντεσ ἐκάκιζον ἑαυτούσ προδότασ ἀποκαλοῦντεσ τοῦ αὐτοκράτοροσ, ἐκάκιζον δὲ καὶ τοὺσ ἡγεμόνασ οὐκ ἐπιταχύναντασ τὴν πορείαν.

καθήμενοι δὲ ἐπὶ τῶν ἄκρων πρὸσ τὸ πέλαγοσ καὶ τὴν Ἤπειρον ἀπεσκόπουν τὰσ ναῦσ ἐφ’ ὧν ἔμελλον περαιοῦσθαι πρὸσ ἐκεῖνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 37

(플루타르코스, Caesar, chapter 37)

상위

목록

SEARCH

MENU NAVIGATION