헬라어 문장 검색 - Πλυταρ́Ξαεσαρ́34́

(플루타르코스, Caesar, chapter 34)

οἱ μὲν οὖν ὕπατοι μηδὲ ἃ νόμοσ ἐστὶ πρὸ ἐξόδου θύσαντεσ ἔφυγον ἔφευγον δὲ καί τῶν βουλευτῶν οἱ πλεῖστοι, τρόπον τινὰ δι’ ἁρπαγῆσ ἀπὸ τῶν ἰδίων ὅ τι τύχοιεν ὥσπερ ἀλλοτρίων λαμβάνοντεσ, εἰσὶ δὲ οἳ καί σφόδρα τὰ Καίσαροσ ᾑρημένοι πρότερον ἐξέπεσον ὑπὸ θάμβουσ τότε τῶν λογισμῶν καί συμπαρηνέχθησαν οὐδὲν δεόμενοι τῷ ῥεύματι τῆσ φορᾶσ ἐκείνησ, οἰκτρότατον δὲ τὸ θέαμα τῆσ πόλεωσ ἦν, ἐπιφερομένου τοσούτου χειμῶνοσ, ὥσπερ νεὼσ ὑπὸ κυβερνητῶν ἀπαγορευόντων πρὸσ τὸ συντυχὸν ἐκπεσεῖν κομιζομένησ. ἀλλὰ καίπερ οὕτω τῆσ μεταστάσεωσ οἰκτρᾶσ οὔσησ, τὴν μὲν φυγὴν οἱ ἄνθρωποι πατρίδα διὰ Πομπήϊον ἡγοῦντο, τὴν δὲ Ῥώμην ὡσ Καίσαροσ στρατόπεδον ἐξέλειπον·

ὅπου καί Λαβιηνόσ, ἀνὴρ ἐν τοῖσ μάλιστα φίλοισ Καίσαροσ καί πρεσβευτὴσ γεγονὼσ καί συνηγωνισμένοσ ἐν πᾶσι προθυμότατα τοῖσ Κελτικοῖσ πολέμοισ, τότ’ ἐκεῖνον ἀποδρὰσ ἀφίκετο πρὸσ Πομπήϊον. ἀλλὰ τούτῳ μὲν καί τὰ χρήματα καί τὰσ ἀποσκευὰσ ἀπέπεμψεν ὁ Καῖσαρ Δομετίῳ δὲ ἡγουμένῳ σπειρῶν τριάκοντα καί κατέχοντι Κορφίνιον ἐπελθὼν παρεστρατοπέδευσεν.

ὁ δὲ ἀπογνοὺσ τὰ καθ’ ἑαυτόν ᾔτησε τὸν ἰατρὸν οἰκέτην ὄντα φάρμακον καί λαβὼν τὸ δοθὲν ἔπιεν ὡσ τεθνηξόμενοσ. μετ’ ὀλίγον δὲ ἀκούσασ τὸν Καίσαρα θαυμαστῇ τινι φιλανθρωπίᾳ χρῆσθαι πρὸσ τοὺσ ἑαλωκότασ, αὐτὸσ αὑτὸν ἀπεθρήνει καί τὴν ὀξύτητα τοῦ βουλεύματοσ ᾐτιᾶτο.

τοῦ δ’ ἰατροῦ θαρρύναντοσ αὐτόν, ὡσ ὑπνωτικόν, οὐ θανάσιμον, πεπωκότα, περιχαρὴσ ἀναστὰσ ἀπῄει πρὸσ Καίσαρα, καί λαβὼν δεξιάν αὖθισ διεξέπεσε πρὸσ Πομπήϊον. ταῦτα εἰσ τὴν Ῥώμην ἀπαγγελλόμενα τοὺσ ἀνθρώπουσ ἡδίουσ ἐποίει, καί τινεσ φυγόντεσ ἀνέστρεψαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 34

(플루타르코스, Caesar, chapter 34)

상위

목록

SEARCH

MENU NAVIGATION